Shillong, Rymphang 27: Ka jingioh kurup pisa bad kiwei hadien ba la pyntreikam iaka Model Code of Conduct (MCC) naka bynta ban pyniaid beit iaka ilekshon ka long 20 shah lada nujor bad ka jingioh kururp ha ka ilekshon MLA 2018.
Ia kane la pyntip da u chief electoral officer (CEO) ka jylla u bah F.R Khanrkongor haba ai jingkhien iaka jinglah ki bor khmih iaka ilekshon MLA 2023 ban kurup pisa bad kiwei kiwei de.
Haba kren sha ki lad pathai khubor u bah Kharkongor ula iathuh ba naduh bala pyntreikam iaka MCC, ki bor khmih iaka ilekshon kiba ioh kururp ka pisa ba kot T. 8.71 klur, Kyiad T. 2.26 klur, Drok T. 33.25 klur, ki mar rem don kum ka ksiar T.91 lak, jingai sngewbha T. 28.69 klur bad lada khien lang baroh ka kot haduh T. 74.81 klur.
“Ha ka ilekshon MLA 2018, ka jingioh kurup baroh ka poi tang T. 1.15 klur hynrei mynta u snem ka jingioh kururp naduh ka pisa bad kiwei kiwei de ka kot haduh T.74.18 klur bad kane kadei hi namar ka jingtrei shitom ki bor khmih iaka ilekshon naduh ki bor district bad ki pulit ban pynthikna ba ka ilekshon MLA 2023 ka iaid beit iaid ryntih” la ong u bah Kharkongor.
