Shillong, Risaw 08: Ka ophis jong ka Deputy Commissioner ka East Khasi Hills District ryngkat ka jingiatreilang bad ka ophis jongu Chief Electoral Officer, kila pynlong iaka Electoral Outreach Programme- Mission UNITE 2.0 (U & I Towards Enrolment) #RolltoPoll Urban Apathy Electoral Outreach Programme ha ka Dorbar Hall jong ka shnong Umpling ha ka 7 tarik u Risaw.
U Chief Electoral Officer ka jylla u Bah F.R.Kharkongor u la ong, ka jingthmu kaba ha khmat eh ban pynlong ia kane ka prokram, kadei ban pynthikna ba kan don 100 naka 100 iaka jingpynrung kyrteng jong ki nongthep vote bad ban pynshlur ia ki ba kin iashimbynta haka jingthep vote ban jied ia ki nongmihkhmat ka jylla.
U la banjur iaka jingkongsan jong ka jingpynlong iaka elekshon bad ka jingiashimbynta ki paidbah kiba la kynjoh 18 snem ka rta shaneng ha kaban pynkhlain iaka riti synshar paidbah ha ka ri.
Ha katei ka prokram la pynsngewthuh ruh ia ki samla ban pynrung kyrteng ialade ban ioh thep vote, la ai jinghikai ia ki nongshong shnong ha kaba iadei bad ka elekshon bad ban pyndonkam iaka hok ka jongki ha kaban jied ia ki nongmihkhmat.
