Nongpoh, Nailur 29 : Hapdeng ka jingiphuh iphieng bad ka jinglehkmen kaba khraw naduh ki khynnah skul, ki nonghikai lem bad ki samla pule barim, ka skul St. Michael’s Higher Secondary School Umsning mynta ka sngi kala pynkut noh ïaka jingrakhe ïaka jingïaid lynti ba 60 snem (Diamond Jubilee) ka skul ha ka ban pynphriang ïa ka jingnang jingstad ha ka them Ri Bhoi.
La pynshongkun ia kane ka sngi daka jingiadon ryngkat u Myntri Rangbah ka Jylla Conrad K Sangma uba la shah khot kum u kongsan ha ryngkat u Bah Jason S Mawlong MLA ka Umsning kum u Symbud Kongsan, ka Sr. Alphonsa Varghese Head Mistress ka St. Michael’s HSS, ki nonghikai lem bad ki khynnah skul.
Iaka lama jong ka Diamond Jubillee la wan pat ban pynhap da u Rev. Jimmy Marngar Chancellor ka Shillong Archdiocese kum u kongsan haka prokram kaba ar haka por janmiet haka jingdonlang u Bah Dasakhiatbha Lamare Myntri ka sorkar MDA kum u symbud kongsan, ka kong Macdalyne S Mawlong MDC ka Umsning bad kiwei kiwei ki riew rangbah.
Haba ai jingkren, u Myntri Rangbah ka jylla u Conrad Sangma ula ong “Kam dei kaba suk ban pyntyllun ïa ka skul haduh ban da kynjoh ia ka 60 snem bad nga ngeit ba ka skul kala mad ia shibun ki jingeh bad ki jingtynjuh hynrei kala ieng skhem ban pynphriang ïaka jingnang jingstad bad long ruh kawei naki skul ba pawnam ha Ri-Bhoi”.
“Ka jingnang jingstad ka dei ka atiar ban wanrah ki jingkylla haka pyrthei bad ha kum kane ka juk ba mynta baroh ki treikam da ka jingstad” ula ong haba kyntu ruh ïaki samla pule ba kidei ban minot thop haki jingpule jong ki, khnang ba kin long ki nong wanrah jingkylla haka imlang ka sahlang bad ka jylla baroh kawei naka bynta ka jingmyntoi ki paidbah.
Na ka liang u Conrad Sangma u la ai ruh ka jingkhublei ba kyrpang ïa katei ka skul ba kan dang kiew shaphrang ha baroh ki liang khamtam ban pynphriang ïaka jingnang jingstad ban dang sei ki khlur kiba tyngshaiñ.
I thank the church for its contribution to education through the many institutions in the State and the country.
I congratulate the school on reaching this milestone and I wish the teachers and students the best! pic.twitter.com/rNRmiCbL9C
— Conrad Sangma (@SangmaConrad) September 29, 2022
