Shillong, Nailar 30 : U Myntri ka Tnad Pule Puthi Rakkam A Sangma ha ka sngi Thohdieng, ula pyntip ba ka Jylla kala pyndonkam ia ka syllabus CBSE na ka bynta ki klas XI bad klas XII ha ka science bad commerce stream naduh u snem pule 2024-25.
Haba jubab hapoh ka Iingdorbar, u Rakkam ula ong ba ka Jylla kala shim ban pyntreikam ia ka CBSE syllabus ha ka Arts stream jong ki klas XI naduh u snem pule 2024-25 bad ia ki klas XII ka CBSE syllabus kan sdang treikam naduh u snem pule 2025-26.
Ka Sorkar kala shim ruh ban pyndonkam ia ki kot NCERT naduh klas 1 haduh klas X na ka bynta ki sobjek ba kongsan kum ka English, Mathematics bad Science, ula bynrap.
