Shillong, Nailur 20: U Nongialam ka seng Congress u Bah Vincent H Pala hynne ka sngi Thohdieng, ula ai ka jingkyrshan kaba pura ia ka jingdawa u Nongialam ka Liang Pyrshah Dr Mukul Sangma ban thung iaka kynhun tohkit halor ka jingkynnoh ba ka don ka jingpyndonkam bakla ia ka pisa be-ain na u drok bad u dewiong da ka National People’s Party (NPP) ban khring ia ki MLA na kiwei pat ki seng sain pyrthei.
“Nga ai ka jingkyrshan kaba radbah ia ka jingdawa u Mukul ba dei ban don iaka jingtohkit. Ka jingtohkit ka dei ban long na ka bynta kine ki 10 snem kiba la leit” ong u Bah Pala haba iakren bad ki nongthoh khubor.
U Mukul ula byrngem ban phah da ka jingthoh sha u Myntri Rangbahduh ka ri ban thung ia ka kynhun tohkit bad ban shimkhia halor ka jingkynnoh jong u Bah Pala ba ka NPP kala pyndonkam da ka pisa be-ain kaba la lum na ka jingkit beain ia u dewiong, jingkhaii droks bad ka jingai kam kontrak ban ioh khring ia ki MLA na kiwei pat ki seng.
Haba pdiang sngewbha ia kano kano ka jingtohkit halor kane ka kam, u MP barim ka Shillong ula kynnoh shuh shuh, “Ngan iathuh ia phi, ba ka jingtih dewiong be-ain ka la sdang ha ki 10 snem ba la dep. Ka jingshalan be-aiñ ïa u dewïong kala long ha kine ki 10 snem kiba la dep, u drok u lah palat ia ka 10 snem.”
“Kum ka nuksa mynta ka sngi, lada phi rah iaka syiar na Guwahati sha Shillong, phi hap ban siew T.20,000 ne T.30,000 shi Pickup. Kala mih ha ki Social Media, kala mih ha ki khubor. Ka jingkit ia u dewiong na Jaintia Hills sha Guwahati, phi hap ban siew T.96,000.
Kala mih ha ki Social Media. Lada ngi hap ban kit ia u mawshun na Jaintia Hills sha Guwahati, phi hap ban siew T.20,000. Kala mih ha ki khubor. Lada phi kit ia u shyiap ne uno uno u mar phi hap ban siew ban ioh rung. Kine kila sdang naduh ki 10 snem kiba la dep,” bynrap u Bah Pala.
 ban khring ia ki MLA na kiwei pat ki seng sain pyrthei.){kind=link}