Shillong, Lber 27 : U Myntri tnad bording AT Mondal ha ka sngi Palei ula pyntip ba ula ioh ia ka jingkyrshan kaba radbah na u Myntri Rangbah ka Jylla Conrad K Sangma ban pynjanai ia ka rukom treikam jong ka Meghalaya Energy Corporation Limited (MeECL) bad kumjuh ruh ia ka jingpynmih bording hapoh ka Jylla.
“Nga la ioh ia ka jingkyrshan ba pura na u Myntri Rangbah. Ngam ju poi pyrkhat ba un ai ka jingkyrshan haduh une u pud bad ta ka daw ngi la iatreilang ryngkat ryngkat ban iohi ia ka jingtreikam kaba janai jong ka MeECL bad pynjanai ruh ia ka jingsam bording, bad haba don kino kino ki jingduna, ngi ju pynbeit ia ki” ong u Mondal haba iakren bad ki nongthoh khubor.
Haba pynpaw ba kila don shibun ki jingiapher mynta, u Mondal ula ong ba ki paidbah ka Jylla ki ju mad ia ka jingpynlip bording ba 7-9 kynta shisngi ha u snem 2023. “Hynrei mynta nga ong ba ngi dang lait na ka jingpynlip bording” ula pynbna.
U Myntri ula ong ba kan sa don ka por ba ki briew kin mad ia ka jingpynlip bording da ka MePDCL ba kan maramot bad pyntrei ia ka Revamped Distribution Sector Scheme (RDSS) ba dang iaid mynta.
 bad kumjuh ruh ia ka jingpynmih bording hapoh ka Jylla.){kind=link}