Nongstoiñ, Nailar 23: Ka Hima Nongstoin Land Owners Coal Traders & Producers Association (HNLOCT&PA), lem bad ki Sengbhalang ka West Khasi Hills, kila ai ka jingkyrshan ba pura ia ka Public Hearing halor ka kam tih dewiong da ka jingstad saian, ka ban sa long hapoh ka District.
Kane ka Public Hearing kan long ha ka 27 tarik Nailar ha Sdad Dkhar, West Khasi Hills District.
“Ngi pynpaw ia ka jingkmen ban iohi b aka Sorkar kala buh ia ka Public Hearing ban ioh sdang biang ia ka jingtih dewiong” ong ka kyrwoh na ka HNLOCT&PA.
“La shiphew tylli ki snem naduh ba ka NGT ka la khang ban tih dewiong ha u snem 2014, ki nongkhaii, ki trai par dewiong, ki nongbylla bapher bapher, ki iew ki hat hi baroh jong ka thain Nongstoin, ki la don hapdeng ka jinghiran kaba shyrkhei bad ki jingeh ha baroh ki liang. Hynrei dei tang haduh mynta ka kynti ngi iohi ba ka sorkar ka pyni ki kam ban ioh sdang biang ia ka kam ban tih dewiong katkum ka jingstad saian (Sciencetific Mining) kiba long katkum ka ka ain hapoh ka ri” kala bynrap.
Ka pyntip ba ka Association kala khot ia ka jingialang ba kyrkieh ha ka 12 tarik Nailar ha ka jingiadonlang ki sengbhalang ba kynthup ia ka HYC/FKJGP/WKHSU/HANM/MYF/UHM&WYF, bad da kawei ka jingmut, la iarai ban ai ka jingkyrshan kaba pura ia ka Public Hearing jong ka Sorkar.
, lem bad ki Sengbhalang ka West Khasi Hills, kila ai ka jingkyrshan ba pura ia ka Public Hearing halor ka kam tih dewiong da ka jingstad saian, ka ban sa long hapoh ka District.){kind=link}