Shillong, Naitung 31: Ka Khasi Students’ Union (KSU) Mawbah Unit kala kyrshan haduh 40 ngut ki Khynnah ba wan na ki longiing kiba duk, da kaba iarap siew bai skul pule ba kin ioh bteng ia ki jingpule.
Kine ki khynnah ki dei kiba leit skul ha Mawprem Presbyterian Secondary School bad kiba dang kwah ban bteng iaka jingpule.
Kane ka jingkyrshan, kadei ka jingngangnud bad ka thong jong ka KSU ban kyntiew ïa ka pule ka dangle bad ban iarap ïa ki kmie ki kpa kiba mad ïa ki jingeh ha ka liang ka pisa pilain.
Haba ai jingkren ha ka jingialang, ka Principal ka Mawprem Presbyterian Secondary School kala pynpaw ia ka jing sngewnguh ïa ka KSU bad kala iathuh ruh ba ha u snem 2025, ka KSU ka la lah ban ai jingiarap ia kumba 20 ngut ki khynnah skul bakin bteng ia ki jingpule.
Ka Principal kala pynpaw ba ka Mawprem Presbyterian Secondary School naduh ba la seng ïa ka, ka buh iaka thong ban ïarap ia ki longïng, long sem kiba duna haka ioh ka kot ban phah skul iala ki khun.
Kala ong ba ka bai skul kam dei kaba heh hynrei kadei tang T.450 shi snem naduh Class Nursery bad T.800 iaki Class X haba kitbok kitrwiang ïa ka KSU ba kan nang lah ban ai ka jingshakri kaba bha tam na bynta ka shnong ka thaw, na bynta ka imlang ka sahlang bad ka Ri bad Jaitbynriew hi baroh kawei.
U Rangbah Shnong ka Shnong Mawbah, u Bah Arisstone Thabah u ai ka jingiaroh ïa ka KSU Mawbah unit, kiba la lah ban pynurlong ïa kane ka jingthmu kaba bha ban ïarap bad kyrshan ïa ki khynnah Pule kiba wan shisha na ka longïng kiba duk, kiba donkam shisha ïa ka jingkyrshan ban bteng ïa ka pule ka dangle ka jong ki.
Naka liang u Education Secretary ka KSU u Samla Alerick Kharjana, u la ong ba u dap da ka jingsngew kmen ba watla ka skul ka shim ia ka bai skul kaba rit na ba rit tam ruh hynrei u iohi ba skul ka dang bteng ban treikam.
Ha Kane ka sngi, la ïa don ryngkat lang naduh u Samla Alerick Kharjana uba dei u Education Secretary, KSU CEC, u Principal ka skul u Babu Theo Laloo, u Rangbah Shnong ka shnong Mawbah u Bah Arisstone Thabah, ki Nongialam ka KSU Mawprem Circle, bad kiwei kiwei de ki Nongialam na kiwei pat ki shnat treikam.
 Mawbah Unit kala kyrshan haduh 40 ngut ki Khynnah ba wan na ki longiing kiba duk, da kaba iarap siew bai skul pule ba kin ioh bteng ia ki jingpule.){kind=link}