Shillong, Nailur 25: Ka Jaintia Students Union (JSU) Shillong Circle ha ka sngi palei kala leit kyrshan ia ka jingiakhih jong ki nonghiaki Adhoc – Federation of All School Teachers of Meghalaya (FASTOM) kaba dawa ba dei ban kyntiew kyrdan noh ia ki skul adhoc sha ka deficit.
Ka JSU kala kyntu ia ka sorkar ba kadei ban sngap ia ki nonghikai kiba pynlong ia ka jingiakhih da kaba thaw ia ki lad ki lytni ban pynurlong ia ki jingdawa ki jongki.
“Lada phi peit ia ka tulop kaba ioh da ki nonghikai adhoc, ka long kaba rit bha bad kaba eh ba kin pyndap pynbiang ha kane rukom long rukom man kaba mynta ha kaba ki dor ki mur kila kiew lut. Ki donkam ban ioh da kaba kham bha” la ong unongaibuit ka JSU u Aiban Suchiang hadien ka jingwan iakynduh ia ki nonghikai adhoc kiba pynlong ia ka jingiakhih ha madan Malki.
“Ki nonghikai kidei u mawnongrim jong ka jylla, ka imlang sahlang bad ia ka ri namar ba kidei ma ki kiba pynnang pynstad ia ki khynnah rit ki jong ngi, ki khun ki jong phi bad wat ia ki khun jong ki myntri sorkar bad ki MLA” ula ong.
 Shillong Circle ha ka sngi palei kala leit kyrshan ia ka jingiakhih jong ki nonghiaki Adhoc - Federation of All School Teachers of Meghalaya (FASTOM) kaba dawa ba dei ban kyntiew kyrdan noh ia ki skul adhoc sha ka deficit.){kind=link}