Shillong, Risaw 02: Ka Dorbar shnong ka Brichyrnot, East Jaiñtia Hills, ka la pynbna ba ka ai ka jingkyrshan kaba pura ïa ka jingpynsngew paidbah (Public Hearing) kaba la pynbeit da ka Star Cement ha ka 8 tarik Risaw.
Kane ka Public Hearing ka dei kaban pyniaid da ka Meghalaya State Pollution Control Board (MPSCB) halor ka jingtyrwa jong ka komapni Star Cement ban tih mawshun na ka jaka bah eh 65 hectare ha Brichyrnot kum shibynta ban pyniar ia ka jingtih par bad lah pynmih kham bun u mawshun.
Ïa kane la pyntip da u Rangbah Shnong ka Brichyrnot Bah Stanly Massar hadien ka jingmih ki kynhun pyrshah ba ialam daka ‘Elaka Narpuh Youths for Change’, kaba la wer iaki paidbah ban pyrshah jur ïa ka jingthmu jong ka Star Cement ban pyniar ia ka jingtih par marshun hapoh ka thain.
Ka jaka ba la thmu ban tih mawshun da ka Star Cement ka long kaba heh kumba 65 Hectare bad katei ka jaka ka hap hapoh ka shnong Brichyrnot kaba jngai tang kumba 500 meter.
Kane ka jaka ka jngai kumba 2 km na ka Eco Sensitive Zone jong ka Narpuh Sanctuary bad ka Star Cement ka kam ba k laa bud ia baroh ki jingbthah jong ka Sorkar Jylla khamtam iaki kyndon ka tnat Mining.
Kat kum ki kyndon, kumba 2 kms eiei na ka Eco-sensitive zone, ym shah ban leh ïa kino kino ki kam tih marpoh khyndew ka ban pynjot ia ka mariang.
Haba ïakren bad ki lad pathai khubor, u Bah Stanly Massar u la pyntip ba ki don haduh 60 tylli ki longïing ha ka shnong Brichyrnot bad da ka jingiatylli lang, ka Shnong kala shim ïa ka rai ban ai ka jingkyrshan kaba pura iaka Public Hearing.
Ula kam ba ka wah Lunar kaba jan tam ruh kan ym shym shah ktah satia na ka jingtyrwa pyniar ia ka par tih mawshun jong ka karkhana pynmih dewbilat.
 kaba la pynbeit da ka Star Cement ha ka 8 tarik Risaw.){kind=link}