spot_img

Kyrpad ka HANM ia u Myntriban tuklar halor ka jingthut ka bording ha Ri-Bhoi

Date:

Share post:

Shillong, Nailur 27 : Ka Hynniewtrep Achik National Movement (HANM) ha ka sngi Thohdieng, kala kyrpad ia u Myntri ka Tnad Bording AT Mondal, ba un tuklar lem halor ki jingthut ka jingsam bording elektrik bala mad da ki paidbah ka Ri-Bhoi District.

Ha ka dorkhas bala aiti sha u Myntri, ka HANM kala ong “Watla ka bynta kaba khraw kaba la shim da ka District ha ka jingpynmih bording ha Jylla, ka dang mad ia ki jingjynjar na ka jinglapmiet ban thut ka jingsam bording, kaba la ktah ia ka jingim ki briew bad ka roi ka par jong ka thain”.

Ka Ri-Bhoi kala ioh ia ka District ba pura ha ka 4 tarik Jylliew, 1992 bad ka Nongpoh ka dei ka Headquarter jong ka. Ha kine ki snem, ka jingdon ki nongshongshnong kala kiew suki suki, kaba lam sha ka jingnang bun ka jingdwa ia ka bording.

“Ia mynta, ka Nongpoh ka shaniah beit tang ha u lain bording ba 33 KV ka Umsning-Jyntru, kabym lah satia ban pyndap pynbiang ia kat ka jingheh ka District. Da palat 400 tylli ki Shnong bad palat 25000 ki longiing ki shaniah tylli ha ki jingtei kiba rim, ka long kaba donkam ban don ia ka power substation ba 132 KV ban lap pyndap ia ka jingdawa bording bad pynduna ia ka jinglip bording” kala ong.

Haba pynpaw ba ka Ri-Bhoi ka dei ka iing ba don haduh 5 tylli ki Power Station (jaka pynmih bording), ka HANM kala ong ba baroh kine ki jaka ki pynmih haduh 216 MW ka bording, kaba pynlong ia ka Ri-Bhoi ka jaka pynmih bording ba bun eh ha Meghalaya. Hynrei wat hapdeng kane ka synniang, ka District khamtam ha Nongpoh, ka dang iai mad ia ki jingpynlip bording khah khah.

Namat kata, ka HANM kala kyntu ia ka Sorkar Jylla ban shim mardor ia ki sienjam ha kaban leh eiei noh ban wanrah ia ka 132KV power sub station ban lah pyndap ia ka jingdonkam bording hapoh ka District.

Share post:

spot_img
spot_img

Popular

More like this
Related

Durand Cup | Rung ka NorthEast United FC sha ka quarterfinal da ka jingjop ia ka Shillong Lajong

Shillong, Nailar 08: U rangïalehkai ka Ri Morocco u...

Dang iaid ka jingbishar ia ka kaiphod ka Expert Committee halor ka Job Reservation

Shillong, Nailar 08: U Chief Secretary ka Jylla Bah...

Kumno uwei u nonghikai u pynkylla ia ka skul sorkar ha Mawsynram sha ka kamra skul kaba im

By Kenny Jyrwa Shillong, Nailar : Hato phi dang kynmaw...

Major Bureaucratic Reshuffle : 4 IFS officers brought to civil administration

Shillong, Aug 8: The state government on Friday issued...