Shillong Risaw 29: Kum shi bynta jong ka jingrakhe kynmaw burom iaka sngikha jong u Sardar Vallabhbhai Patel ia uba la tip kum u ‘Iron Man of India’, u Lat ka jylla Meghalaya BD Mishra hynne ka sngi saitjain, ula ai khublei iaki nongshong shnong ka Meghalaya haka Rashtriya Ekta Diwas (National Unity Day) bad kyrmen skhem ba kane ka Ekta Diwas kan bteng ban wanrah iaka jingiatylli bad ka jingieid ri ha ki paidbah.
U Lat ka jylla u la pynkynmaw ia u synniang jong u Sardar Patel ha kaban pyniatylli ia ka ri bad ban iada iaka hok jong u duk u suh bad ia u rangli u juki.
U BD Mishra ula ong, ka jingrakhe iaka Rashtriya Ekta Diwas ka dei shi bynta ban kynmaw biang iaka jingiakhun ban ioh iaka jinglaitluid bad ban sngewthuh iaki jingmut bad nongrim jong ka jingseng iaka hok bad deiti kamram jongki nongshong shnong bad ban don iaka jingiatylli hapdeng jongki baroh.
U Lat, ula kyntu ruh ia ki paidbha ka jylla bad ia ki nongshong shnong ka ri India khamtam eh ia ki khun samla ba kidei ban pynrung ia ka mynsiem jong ka jingiatreilang, jingburom iwei ia uwei bad ban don iaka mynsiem jong ka jingiatylli hapoh ka ri baroh kawei.
