Shillong, Lber 25 : U National President ka National People’s Party (NPP) bad Myntri Rangbah ka Jylla Conrad K Sangma ula pynpaw ia ka jingsngewskhem ba ka NPP kan plie iala ka account (ban ioh MLA) ha Assam ha kane ka elekshon ban wan, haba pynpaw ba ki jingpyrshang ka party ka dei kaba la kut jingmut ba slem sha ka Jylla.
Haba kylli ia ka jingthmu pynsuhthied ia ka party ha Assam, u Conrad ula ong “Hooid, ka party jong ngi ka angnud bha ban pyniar ia ka jylli treikamha kylleng ki jaka jong ka thain Shatei Lam Mihngi, Assam, ngim pat ju rung ha ki snem bala leit. Ngi sngew ba ki don katto katne ki constituency kaba ngi la iakren ia katto katne ki nongialam la slem bha bad kila pyni ia ka jingkwah bad halor kane, ngi la shim ia ka rai ban pynieng ia katto katne ki kyrtong”.
Ula ban jur ba ki jingpyrshang ka party ha Assam ki dei ki kam kiba la iaid la slem bad kaba da kut jingmut.
“To ngin kyrmen ba ngin ym khmih ia ka jingiaid lynti ka sain pyrthei tang na ki elekshon naba ha ngi, ka dei ka jingiaid lynti, ka dei ka jingaiti bad ngi la sdang ia ka jingaiti jong ngi sha ka Jylla Assam bad ngin iai bteng ban jamshakhmat bad ngi kyrmen ba ngin sa lah ban plie account ha kane ka elekshon ha Assam” ong u Conrad haba iakren bad ki nongthoh khubor ha ka sngi Balang.
Halor ka lad ka lynti ban jop u Daniel Langthasa, u kyrtong ha kane ka elekshon, u Conrad ula ong “Khlem pep, un wanrah ia ka jingkylla. U dei uba pawnam bha, u dei uba aiti shisha. U dei u briew uba don ka jingiohi jngai iala ki jong ki briew bad u briew uba sngewrit shisha bad ha kajuh ka por u dei u briew uba lah ban pyniadei ia baroh”.
Ula bynrap “Ngi don ka jingkhmih lynti kaba jur bha na u ym tang na ka constituency jong u hynrei jong ka thain baroh kawei ia ka Party, u dei u dkhot ba kongsan bad nga thikna ba un ioh ia ka jingjop bad nga ai ka jingkitbok kitrwiang ia u”.
 bad Myntri Rangbah ka Jylla Conrad K Sangma ula pynpaw ia ka jingsngewskhem ba ka NPP kan plie iala ka account (ban ioh MLA) ha Assam ha kane ka elekshon ban wan, haba pynpaw ba ki jingpyrshang ka party ka dei kaba la kut jingmut ba slem sha ka Jylla.){kind=link}