Goalpara, Naiwieng 14 :Ki nongshong shnong ha Karipara Tilapara kaba hap hapoh Matia police station jong ka Goalpara kila don hapdeng ka jingklumar jingmut hadien ba kawei ka longkmie bad u khun ba dang rit kila shah kyrdem iap ha uwei u hati khlaw.
Ki nongshong shnong ha Matia kila im hapdeng ka jingsyier na ki hati khlaw kiba ju wan na ki jaka khlaw sorkar ban wad bam shapoh shnong briew bad kaba ju wanrah ruh ka jingkhihwin kaba jur hapdeng ki nongshong shnong.
Katei ka jingjia ba sngewsih ia katei ka longkmie bad u khun ba dang rit kala wan jia hadien ba uwei u hati khlaw ula thombor ia ki hapoh ka shnong Kariprara Tilapra kaba hap hapoh Matia police station hynne ka step.
Utei u hati khlaw la ong ba ula wan shapoh shnong briew ba kyrdem ia katei ka longkmie bad u khun ba dang rit jong ka.Ia kane ka longkmie la tip kyrteng kum ka Manila Khatun bad u khun jong ka u Minhajul Haque.
Na ka liang ki heh jong ka tnat Forest kila wan poi mardor hadien ba ki nongshong shnong kila pyntip ha kaba iadei bad kane ka jingjia, bad ka jingtohkit halor kane kala iaid shakhmat.
Lah ban kdew ba naduh kine ki bnai kiba la leit noh, kiba bun bah ki hati khlaw kila pynkhihwin ia ki shnong ki thaw ha ki bynta jong ka Dudhnai Krishnai bad ha ki bynta jong ka khlaw Rangjuli.Ki jingjia iatyngkhuh hapdeng ki briew bad ki hati khlaw kila jia khah khah bad kaba ju wanrah ka jingshong syier kaba jur hapdeng ki nongshong shnong.
