New Delhi, Jylliew 23: U nongialam ka seng Congress, u Rahul Gandhi hynne ka sngi u la pynpaw ka jingsngewlem halor ka jingduh noh jong ki ba bun ki mynsiem briew na ka jingshlei um ha Assam ha ka ba u la kyntu ruh ia ki nongtrei jong ka party ba kin iai bteng ban shim ia ki lad aijingiarap sha kito ki briew ki ba la shah ktah.
Ka jinglong jingman na ka jingshlei um ha Assam ka dang iai don hapdeng ka jingsyier hadien ba sa 12 ngut ki briew ki la khlad biang ha kane ka sngi Balang ba la lah ka ba la kyntiew ia ka jingdon jong ki briew ki ba la khlad noh sha ka 100 ngut.
Na ka liang u Rahul u la ong ruh ba un ia don ryngkat lang bad ki hymmen ki para shynrang bad kynthei ki ba mad ia kane ka jingeh namar ka jingshlei um ha Assam. Lyngba ka Twitter, u Rahul u pynpaw ruh ka jingsngewlem sha kito ki longiing longsem ki ba la duh noh ia la ki jong ki ba ieit ba thoin.
My thoughts are with our brothers and sisters in Assam facing unprecedented floods.
Heartfelt condolences to the bereaved families. I urge Congress workers and leaders to continue extending assistance to rescue & rehabilitation operations.
— Rahul Gandhi (@RahulGandhi) June 23, 2022
Kumjuh na ka liang ka general secretary ka Congress ka Priyanka Gandhi Vadra ruh ka pynpaw ka jingsngewlem halor kane ka jingshlei um ka ba la ktah ia ki phew lak ngut ki briew hapoh Assam bad kyrmen ruh na ka bynta ka jingshngain jong ki nongshong shnong ha kane ka jylla.
Na ka liang ka Priyanka ruh lyngba ka twitter ka la kyntu ia ki briew jong ka Indian National Congress ba kin ieng ryngkat lang bad ki nongshong shnong ka Assam ha ka ba kum kane ka khep jong ka jingeh bad ruh ban ai ia ki lad jingiarap.
