Shillong, Risaw 26: U MLA ka NCP na Gambegre Saleng A Sangma hynne ka sngi Balang ula kyrpad ia ka Sorkar Jylla ban ai ia ka song jingiarap ba mardor sha palat 125 tylli ki Longiing kiba la shah pynjulor ka Iing ha ka ‘eriong Sitrang.
Haba iakren bad ki nongthoh khubor, u Saleng ula ong baka eriong Sitrant kala pynjulor jur bha ha ka Constituency jong u ha kaba haduh 125 tylli ki Iing kila shah pynjulor. “Napdeng kine, 70-80 tylli ki dei kiba la julor pura” ula ong.
Haba kylli, une u MLA ka NCP ula ong ba na ka liang ka jong u shimet, ula ai ia ki jingiarap kat kaba lah ei sha kine ki Longiing.
“Hynrei, nga pan shuh shuh na ka sorkar bad nga la dep iakren ia u Deputy Commissioner bad ula pan ia u account nombor bad la pyntip sha nga ba baroh ki briew jong nga kila dep ai ia ki account nombor khnang ban lah phah noh ia ka pisa sha ki” ula ong.
U pyntip b aula dep ban sam mar 10 kilo u khaw sha kine ki longiing nalor katto katne ka pisa. Kat kum ka jingong jong u, ki don ruh ki briew shimet kiba la ai jingiarap ia kine ki longiing ba shah ktah. U pyntip ba ym shym la don kano kano ka jingjia ba sngewsih na kane ka jingwan lynshop ka eriong ha ka Constituency jong u.
Ha kajuh ka por, u MLA ula ong ba ki jingthung jingtep ruh kila julor lut ploin na kane ka eriong. Wat ki surok kila shah kah lynti hynrei ki bor District kila dep ban leit pynkhuid ia kine ki surok.
