Shillong, Naitung 06 : U President ka Meghalaya Pradesh Congress Committee (MPCC) bad MP barim ka Shillong Bah Vincent H Pala, ula kyntu ia u MP ba thymmai ka Tura, Saleng A Sangma ban siew kylliang ia kaei kaba kaba BJP bad ki paralok kila leh na ka bynta ka Congress ha Ri-lum Garo.
Haba pynpaw b aka jingjop ka Congress ha Ri-lum Garo kala pynkylla ia ka sain pyrthei ha Meghalaya, u Bah Pala ula ong “Nga kynmen ha ka por ba nga shimti kum u President, kumba shisnem ngi la mad ia shibun ki jingeh. Ki paidbah kila ong ba ka Congress ka dei ka jhad kaba ngam bad ym lah ban pynkhie im pat ia ka….Da ki spah ngut ki paralok na ka Youth Congress ha ka MPCC kila mih na ka Congress bad kila leit dem sha ki phlang ba jyrngam ha ka sain pyrthei hynrei mynta da ka jingjop u Saleng na Ri-lum Garo, ka sain pyrthei ha Meghalaya kala kylla”.
Haba kren ha ka jingialang pyndon burom ia u Saleng halor ka jingjop ha Ri-lum Garo, u Pala ula ong kaei kaba jia san snem mynshuwa, kaei kaba jia san bnai mynshuwa, mynta ka sain pyrthei kala kylla ha Meghalaya.
Ula ong ba saw bnai shuwa ka elekshon, kila khroh ia ki paidbah ban rung sha ka congress hynrei kine ki briew kila rkhie bein hynrei mynta kine ki juh ki briew kila khroh pat ban wan phai sha ka party.
“Ka daw ka long ba bun ki briew ba ki party kila iakhun ia ka elekshon tang ban myntoi shimet…ki kwah tang ban leh business, ki kwah ban shakri tang ia ki niam ba ki don, ki kwah ban shakri tang iala ka jaidbynriew, kikwah ban shakri tang ia ki jaka bad ki constituency lajong” ula kam.
Ha kajuh ka por, une u Heh ka Congress ula thalain ia ka BJP bad ki paralok ba ka iatreilang halor ka jingpynkylla sohpdung ia ka congress bad ong ba ka por kala dei ia u Saleng ban siew kyllang ia kaei kaba kila leh ia ka party ha Ri-lum Garo.
 bad MP barim ka Shillong Bah Vincent H Pala, ula kyntu ia u MP ba thymmai ka Tura, Saleng A Sangma ban siew kylliang ia kaei kaba kaba BJP bad ki paralok kila leh na ka bynta ka Congress ha Ri-lum Garo.){kind=link}