Shillong Nailar 21: Ka Meghalaya State Commission for Protection of Child Rights (MSCPCR) kala phah da ka jingthoh sha u Myntri Rangbah ka jylla Conrad K Sangma, ba kyntu ban pyntreikam ia ka rukom kaba tiplem na ka bynta ka bha ka miat jong ki ksew surok kiba don hapoh ka jylla.
Ha ka shithi, ka Chairperson jong ka Commission ka Agatha K Sangma kala pynapw ia ka jingsngewnguh ia ki jingpyrshang jong u Myntri Rangbah ka jylla ban peit lem ia ka bha ka miat jong ki ksew surok bad kala kyrpad ba un shimkhia ban wanrah ia ka rukom treikam kaba iatip lem kaban kyntiew ia ka jingdon ia ka jingsngewsynei, jingsumar bad ka jinglah ban ia imlang.
Ka Commission kala pynpaw ia ka jingdonkam ban buh ia ki jaka ban ai bam, ban don ia ki lad ban ai ia ki jingpynsngewthuh, ka jingai injekshon bad dawai tika na ka bynta ka bha ka miat jong ki ksew surok.
Kala kdew ruh ia ka jingkular jpong ka Sorkar India ban shimkhia ia ki mat kiba iadei bad ki ksew surok lyngba ka prokram jongka Animal Birth Control (ABC) bad ka Prevention of Cruelty to Animals Act, 1960.
“Ngi ngeit ba ka Meghalaya ka jylla kaban pyni ia ka nuksa kaban pdiang ia ka mynsiem jong ka ‘Ahimsa’ jingkiar na ka jingiaumsnam bad ka jinglah ban ia im ryngkat lang” la ong ka Agatha K Sangma.
“Ngi kyntu ia u Myntri Rangbah ban shim ia ki sienjam kiba paka ban pyntreikam ia ka rukom treikam kaba biang na ka bynta ka bha ka miat jong ki ksew surok, ban kyntiew ia ka kolshor jong ka jingsngewsynei bad jingsumar ha ka jylla jong ngi”.
 kala phah da ka jingthoh sha u Myntri Rangbah ka jylla Conrad K Sangma, ba kyntu ban pyntreikam ia ka rukom kaba tiplem na ka bynta ka bha ka miat jong ki ksew surok kiba don hapoh ka jylla.){kind=link}