Shillong, Lber 23 : Ka North Eastern Hill University Students’ Union (NEHUSU) bad ka Khasi Students’ Union (KSU), NEHU Unit, kila kyntu ia ki nongtrei (Non-Teaching staff) ba kin leh pyrshah ia baroh ki jingbthah bala pynmih da u Vice Chancellor Prof PS Shukla bad u Registrar Col Omkar Singh.
Ha ka shithi bala phah dang shen sha ka North Eastern Hill University Non-Teacing Staff Association (NEHUNSA), ka NEHUSU bad KSU kila ong “Ngi thoh ban kyrpad ia ka seng jong phi bad ia baroh ki nongtrei (Non-Teaching Staff) ba nym pynsngap ia kino ki jingbthah, ki hukum, ki rai jong ki jingalang kiba mih na u Prof PS Shukla bad Col Omkar Singh”.
Kila kynnoh ba kine ki briew ki pyrshang da ka jingmut ba sniew ban sdang trei biang ia ka kam katba kim don satia hapoh ka skulbah bad kila pynmih ia ki hukum bad trei na ki jaka ba shabar u pud u sam jong ka University Act and Statutues, kaba long ka jingpynkhein ia ka kyndon 6 (1) jong ka NEHU Act, 1973.
“U Prof Shula ula don ha ka jingshim shuti ba iai bteng haduh 127 sngi bad u khlem lah satia ban treikam naduh ka15 tarik Naiwieng 2024. Ka jingkam jong u ba ula shimti biang ia ka kam lyngba ki kor online na Delhi ka dei kaba leh arsap, ka bym lah pynthikna bad kaba long pyrshah ia ki kyndon jong ka University. Ka long kaba donkam ban pynpaw ba kam don satia kano kano ka kyndon ha ki kyndon ka skulbah ba shah ban shimti biang ia ka kam na ki jaka kiba jngai. Ka jingleh ba khlem ioh bor da u Prof PS Shukla ka dei ka bym lah ban pdiang bad ba hap ban pynrem, namar kan dei ka nuksa kaba sniew ban bud da ki nongpyniaid hadien habud jong ka skulbah. Kum ia kine ki kam ym dei satia ban pdiang lane ban pynshlur” kila ong.
Kine ki samla pule kila bynrap “ Nalor kata, u Col Omkar Singh u khlem lah ban pyntip sha ka skulbah naduh ba sdang ka shuti ba u shim bad kano kano ka kam kaba u leh, ki jingbthah, ki hukum ba pynmih da u Col Omkar Singh la khein ba kim treikam satia bad bym pdiang satia da ki samla puke”.
Kine ki seng jong ki samla pule kila iai ban ia ka nongrim ba ki ieng ba kim lah shuh ban niew ia u Prof PS Shukla bad Col Omkar Singh kum ki dkhot/nongtrei jong ka skulbah.
 bad ka Khasi Students’ Union (KSU), NEHU Unit, kila kyntu ia ki nongtrei (Non-Teaching staff) ba kin leh pyrshah ia baroh ki jingbthah bala pynmih da u Vice Chancellor Prof PS Shukla bad u Registrar Col Omkar Singh.){kind=link}