spot_img

Kyntu ka MPMC ia u CM ban phah khang noh ia ki website phlim khlemakor ba jur ki kam thombor ia ki Khynnah

Date:

Share post:

Shillong, Iaiong 17: Ka Meghalaya Pradesh Congress Committee (MPMC) ha ka sngi Thohdieng kala kyntu ia u Myntri Rangbah ka Jylla Conrad K Sangma ba un tuklar ha kaban khang noh ia ki website phlim khlemakor khnang ban lah tehlakam ia ki kam bymman pyrshah ia ki khynnah hapoh ka Jylla.

Ha ka shithi sha u Conrad Sangma, ka President ka MPMC kong Joplyn Scott Shylla kala pynpaw ia ka jingsngewkhia kaba jur halor ka jingnang kiew ki kam thombor ia ka longryngieng ki kynthei khamtam ki khynnah ha kylleng ka Jylla.

“Ki dei ki jingjia kiba ijli kiba la pynkhihwin ia ka jingsngew jong ka imlang sahlang bad ngi ngeit ba ka jingtuklar ba mardor ka long kaba donkam ha ka kyrdan ki nongthaw policy ban leh eiei ia kawei na ki daw tynrai” kala ong.

Ka kong Shylla kala kam ruh ba ki sakhi ki don bad ki paidbah ki sngewkhia ba ka jingsuk ban ioh peit ia ki phlim khlemakor lyngba ki Internet kala ktah bha ia ka jingmut jingpyrkhat jong ki samla, kaba lam sha ka jingleh ia ki kam ba bakla bad, kaba sngewsih, ka lam sha ki kam ba shyrkhei kum ka kam leh beijot bad ka jingiuhroit ia ka longryngieng ki khynnah”.

“Kum ka seng kaba peit ia ka bha ka miat bad ka jingiada ia ki kynthei bad khynnah, ngi kyrpad jur ia ka Ophis jong phi ban shim mardor ia ki sienjam ha kaban khang noh ia ki website phlim khlemakor hapoh ka Jylla Meghalaya.

Share post:

spot_img
spot_img

Popular

More like this
Related

Kut noh ka jingai jinghikai ap kol ka AFC ha Shillong

Shillong, Jymmang 31: Ka jinghikai ap Goal, lane ka...

Kyntu ka MTDF ia ki national media ban don jingkitkhlieh haba pynmih khubor ia ka NE

Shillong Jymmang 30: Ka Meghalaya Tourism Development Forum (MTDF)...

Lum kyrkieh u CM ia ki DC ba jur ki jingpynjulor ka mariang | Bthah ban peitngor bad iarap kloi ia ki lanot

Shillong, Jymmang 30: Namar ka Jylla Meghalaya kala shah...

Pyntreikam ka Sorkar ia ka OMS ban tehlakam ia jingkiew dor ki marbam

Shillong, Jymmang 30 : U Myntri ka Tnad Food...