Shillong Jylliew 12: Ka District Disaster Management Authority (DDMA) ka East Khasi Hills hynne ka Lah Sngi U Blei, kala pynmih iaka jingpynbna bad kyntu ia ki paidbah ba kin shim ia ki lad jingiada hadien ba kala don ka jingjur jong u lapbah.
Katkum ka jingpynbna jongka Chairperson ka DDMA kala ong ba ki paidbah kidei ban long kiba phikir bad peitngor bha ha ka por ba don ka jingther u lapbah, namar ka lah ban mih ka jingshlei um khamtam eh ha ki jaka kiba don harud ki wahduid bad ki wah.
La kyntu ia ki paidbah ba kim dei ban leit shajan ka um, ban iaid lyngba ka um bad kidei ban ieng sha jngai na ki wahduid, ki nala bad kiwei kiwei.
La maham ruh ia ki paidbah ba kim dei ban iaid lyngba ki jaka kiba don ka jingshlei um bad ban kin kiar ruh ban ieng hajan jong ki Post elektrik ne ki lain jong ka bording khnang ba kin lait na ka jingshah bat elektrik.
La bthah ruh ia ki khynnah pule ba kim dei ban jan sha shilliang jong ki wahduid ne ki wah ha ka por ba don ka jingjur jong u slap.
La bthah ruh ia ki nongjngohkai kiba leit jngohkai ia ki jaka jngohkai ba kim dei satia ban leit sha wahduid, wah ne kshaid.
Lada don kano kano ka jingjia kaba kyrkieh, ki paidbah ki lah ban phone ha ka District Emergency Operations Centre @ 0364-2225289/2502094 bad State Emergency Operations Centre @ 0364-2502098.
 ka East Khasi Hills hynne ka Lah Sngi U Blei, kala pynmih iaka jingpynbna bad kyntu ia ki paidbah ba kin shim ia ki lad jingiada hadien ba kala don ka jingjur jong u lapbah.){kind=link}