Shillong, Jylliew 13 : Uwei u Rangbah ula iap jyllop hynnin ka miet hadien ka jingshah rong ha ka umsaw jong kawei ka wahduid ha Nongpoh, Ri-bhoi District.
Kat kum ka jingioh khubor, kane ka jingjia kala jia ha ka por 9:30 lane 10 baje mynmiet ha ka por ba u slap ula ther bha ha Nongpoh, uba la neh haduh la kynta eiei. La pyntip ba une u rangbah ula rieh slap ha kawei ka dukan ba marjan ka wahduid hynrei ula syntuid bad hap sha kane ka wah bad shah rong noh ha ka um kaba khlain.
Hadien arkynta ka jingiawad paidbah da ki bahaiing hasem bad ki Nongshongshnong, ha ka por 12 baje shiteng miet, la lap noh ia ka met na ka jaka ba jngai kumba 100-150 yard ne 120-130 meter na ka jaka ba u hap.
Une u rangbah ba iap jyllop u dei na ka shnong Umlyngkdait.
Ia ka met la kit noh sha Nongpoh Civil Hospital ban leh post mortem.
