spot_img

Kynthoh u nongialam ka TIPRA Motha ia ka BJP ba pynkylla politik ia ka niam bad jaidbynriew ha Tripura

Date:

Share post:

Agartala, Naiwieng 09 : Da kaba kynthoh tyngeh ia ka sorkar BJP ha Tripura, u heh nongialam ka TIPRA Motha u Pradyot Kishore Manikya Debbarma ula ong ba kane ka saffron party barabor ka ju pynkylla kam sain hima (politics) lyngba ka niam bad ki kynhun jaidbynriew.

Haba kren ha ka jingialang paidbah hapoh Manu Bazar ha South District, u Pradyot ula pynthikna ba ka party jong u kan thaw ia ka sorkar ha u 2023 bad ba kan trei na ka bynta ki paidbah khlem da khein na kano ka niam ne jaidbynriew.

“Hadien ka ilekshon assembly ha u 2023, ka Tipra Motha kan thaw ia ka sorkar bad kane ka party kan iakhun na ka bynta baroh ki nongshong shnong.Mynta ka kynti ka Tripra Motha kan ia aireng ha kane ka ilekshon ka ban wan, kata ha ka por ba ki katto katne ki party sain hima kila pynpaw ba u Pradyot u long pyrshah ia ki Hindu bad ki Bengali.Kala don mynta 18 bnai naduh ba ka TIPRA Motha kala synshar ia ka TTAADC hynrei ym shym la don kawei ruh ka longiing na ka jaidbynriew Bengali ki ban ngat ha ka jingshah thombor.Ha ka por ba la pynlong ia ki jingiaid rally ha Agartala, ngim ju thombor ia kino kino ki Bengali.Hynrei hadien ka BJP kala ong ba ngi long kiba pyrshah niam.Ka party kaba pynkylla politik ia ka niam bad ia ki kynhun jaidbynriew mynta kila ong ba Nga dei uba pyrshah niam.Ka longiing syiem Manikya kaba hiar pateng kam ju dei kaba pyrshah niam,” ong u Pradyot.

Nalor kata ula ong ruh; “I paieit jong nga ila tei ia ka Buddha Mandir ha Agartala, bad ki syiem ki jong ngi kila tei ia ka Gedu Miah Mosque.Ngim ju leh politik ia ka niam bad ia ki kynhun jaidbynriew.Watla ban kren ia ka ktien Bengali ka lah ban ym shai hynriew ka dohnud jong nga ka long kaba shai bad Nga kren ia ka jingshisha.Haba ki trai shnong kila dawa iala ki jong ki hok ki jong ki, kine ki briew ka BJP kila ong ba kan ym lah ban long.Kila khroh ia nga la bun bunsien hynrei ngim kwah satia ban long myntri sorkar, MLA lane MP hynrei ngi kwah ban pynioh ia ki hok jong ki 13 lak ki nongshong shnong kiba dei ki trai shnong riewlum ka jylla.”

Shuh shuh u Pradyot ula ong ruh ba hashwa ka ilekshon ki party kin khroh ia ki trai shnong lyngba ki jingsiew kiba heh nalor ki kam ki jam bad ki ban wanrah ka jingjot ia ki nongshong shnong kiba dei ki trai shnong.

“Ha ka por ba ka Congress bad ka CPIM ki synshar ia ka jylla bad ba mynta ka BJP kala synshar ia ka jylla, kine ki dei ki juh ki briew kiba shu kylla tang ka party.Ka don ka hospial hynrei ym don doktor, ym don surok, ym don bording, kumta kane ka por ka jingiakhun ka dei kaba khatduh na ka bynta baroh,” ong shuh shuh utei u nongialam ka TIPRA Motha.

Share post:

spot_img
spot_img

Popular

More like this
Related

Kyntait u DyCM ba bei tyngka ia ka HNLC | Kynthoh ba dei ka buit Politics tang ban pynthohbria

Shillong, Jymmang 11 : U Symbud Myntri Rangbah ba...

Assam | Kem ki Pulit ia 50 ngut ba kyrshan ia ka Pakistan

Guwahati, Jymmang 11: Kum shi bynta naka jingthwet ia...

Thoh u CM sha u Dharmendra | Bthah ia ka NTA ban pynngat thoh eksam CUET ia ki Samla ka Jylla ha Meghalaya

Shillong, JYmmang 11: U Myntri Rangbah ka Jylla Conrad...

Thunderstorms and moderate rain likely in parts of Meghalaya; citizens advised to stay alert

Shillong, May 10: The Meghalaya State Disaster Management Authority...