Kynthoh u Himanta | “Wat lada ia u Ajmal la kha haduh saw sien, ka jingkwah plie Madrasa kan dei tang ka jingphohsniew”

Date:

Share post:

Guwahati, Jymmang 03: U Myntri Rangbah ka Assam Himanta Biswa Sarma hynne ka sngi ula ther tyngeh ia u nongialam ka AIUDF u Badruddin Ajmal halor ka jingkynthoh ban plie biang iaki madrasa Sorkar hapoh ka Jylla.

Ia kane u Himanta ula kren hadien ba u nongialam ka AIDUF u Ajmal ula kren ha ka por ialap elekshon ba un plie biang ia ki madrasas Sorkar hapoh Assam.

U nongialam ka AIUDF haka 24 tarik Iaiong ula ong ba lada u shah jied biang kum u MP, ka party kan tei 700 haduh tylli ki Madrasas hadien baka Sorkar kala khang kumba 750 tylli ha Assam.

U Myntri Rangbah ka Assam ula ther tyngeh ia u nongialam ka AIUDF daka ba ong “Lada ia u Ajmal la kha haduh saw sien ruh, ka jingplie ia ki madrassas sorkar kan dei tang ki jingphoh sinew jong u”.

Ka Sorkar u Himanta kala shim ki sienjam ban khang 1,000 tylli ki madrasas shimet kiba don bynta bad ki kynhun riewngeit Muslim ban iarap.

Katkum ki Political Analyst, u Badruddin Ajmal ula kren halor kane tang naka bynta ban ioh vote naki riewngeit muslim.

“Ka thma ktien ka dei kaba ju long man ka jingialap ilekshon bad baroh ki sengsain pyrthei ki leh ia kane ban khring ki nong thep vote” ula ong.

Ka Election Commission of India (ECI) kala dep ban bthah iaki sengsain pyrthei ban kiar naki jingkren kiba kynrum kynram haka por ialap ilekshon.

Share post:

spot_img

Popular

More like this
Related

Bomb scare at Laitumkhrah Police Point turns out to be false alarm

Laptop found inside suspicious bag  Shillong, March 17: The state...

Meghalaya student dies of suspected food poisoning in Karnataka

Shillong, March 17: A 13-year-old student from Meghalaya died...

Shillong to host 7th Act East business show, 12 countries to participate

Shillong, March 17: Representatives of 12 countries will participate...

Assam | Wan poi ki Pulit na Punjah ban pynkynriah ia ki nongiarap u Amritpal Singh

Dibrugarh, Lber 17: Ka kynhun ki Pulit ba 25...