Guwahati, Iaiong 03: Ka thma ktien ka la iai bteng mynta lah da ki bun bun bnai hapdeng u Myntri Rangbah (CM) ka Assam u Himanta Biswa Sarma bad u CM ka Delhi uba dei ruh u convener ka AAP u Arvind Kejriwal.
Hynnin ka sngi U Blei, u CM ka Assam ula kynthoh tyngeh Ia u CM ka Delhi u Arvind Kejriwal, tang khyndiat kynta hadien ba u la pynkut noh Ia ka jingleit jurip shapoh Assam.
U Sarma u la kam ba u CM ka Delhi u la pynmih Ia ka jingkren kaba ialam bakla hadien ka jingwan jurip Ia ka sorbah Guwahati. “ U (Arvind Kejriwal) u la ong ba ka sorkar jong u ka la ai haduh 12 lak ki kam ki jam. Hynrei kumno un lah ban ai haduh katne tylli ki kam haba ki don tang 1.5 lak tylli ki kam ki jam kiba lait ha Delhi? ” Buh jingkylli u CM ka Assam u Himanta Biswa Sarma.
Nalor kata u CM ka Assam u la ong ruh ba un thoh da ka shithi sha u Arvind Kejriwal, bad lada u nud u dei ban ai Ia ka jubab kaba biang.
Ha ka sngi U Blei ba la lah, u CM ka Delhi u Arvind Kejriwal bad u CM ka Punjab u Bhagwant Mann ki la aijingkren ha ka rally paidbah ha madan Sonaram ha Guwahati.“ Kane ka dei ka rally sain hima kaba nyngkong jong u Kejriwal h Assam.
Haba kren ha ka rally, u Kejriwal u la ong, “lada ka AAP kan ioh Ia ka jingjop, baroh ki khun samla ka Assam kin ioh kam ioh jam. Ka jingsuki ha ka rukom ai kam ai jam kumba la leh da u Himanta Biswa Sarma kan shimpor da ki spah snem na ka bynta ban pynioh kam pynioh sha baroh ki nongshong shnong.
” Kiba duk kin ym iohlad ha ka liang ka pule pule puthi ha ka jylla ha kaba ka kurim jong u CM ka pyniaid Ia ki skul shimet, ” Ong u Kejriwal. “ Na ka liang ka party AAP ba la ialam da u Arvind Kejriwal ka la pyrshang ban ioh jaka ha kaba iadei bad ki kam sain hima sima hapoh ka jylla Assam.
Da ka kynthoh pyrshah Ia u CM Sarma, u CM ka Delhi u la ong ba u CM Sarma u dang donkam shibun ki jingtip na ki nongshong shnong ka Assam.
Kham hashwa na ka liang CM ka Assam u la khot Ia u Kejriwal da u khawpud namar ki jingkynnoh bamsap pyrshah Ia u hadien ka jingwan jurip da une u CM ka Delhi shapoh Assam.
Naduh kane ka por ka thma ktien ka la iai bteng hapdeng kine ki arngut ki CM.
