Shillong, Naiwieng 25 : U Myntri ka tnad Ain Bah Lahkmen Rymbui ha ka sngi Ba-ar, ula ban jur ba ka jingdawa jong ka Sorkar ban pyntreikam ia ka Inner Line Permit (ILP) ka pyni ba ki don ki jingduna ha ki ain ban tehlakam ia ka jingwan rung kyrthep ki briew ba nabar bad ki mynder ri hapoh ka Jylla.
“Lada ki ain ba mynta kila biang, ngin ym pan satia ia ka ILP. Ngi la iohi ba ki don katto katne ki jing bym biang ha ki ain bala don, ta ka daw ngi la pan ban pyntreikam ia ka ILP” ong u Bah Rymbui haba iakren bad ki lad pathai khubor.
Haba pyni nuksa ia kiei kiba jia ha ka pyrthei, u Bah Rymbui ula pynpaw ba wat ka US, kaba ker kut da ka duriaw, ka dang iaksaid bad ka sakhi ia bun ki mynder rib a wan buhai shnong be-ain hapoh ka Ri.
U ong ba ka Jylla Meghalaya kala pyrshang katba lah ban peit ba ym dei ban ailad ia ka jingbuhai shnong beain jong ki mynder ri ha Jylla.
“Ta ka daw ngi don bun ki kyndon ba pyrkhing ban khang lad ia ka jingbuhai shnong beain. Ngi don ia ki Autonomous District Council (ADC), ngi don ia ka Lang Transfer Act, ngi don ia ka Meghalaya Residents Safety and Security Act (MRSSA), ki Ain Nongbylla hynrei kawei kaba donkam ka long ban pyntreikam bha bad ban peitngor bha bad ban iatreilang bad ki Shnong ki Thawlem bad ki bor ka Ain” ula ong.
Hynrei, haba pynpaw ba baroh ki ain ki dei ki bym biang pura, u Bah Rymbui ula ong “Ngi donkam ban pyndonkam ia baroh ki bor kiba don ban peit ba ki mynder ri kim dei ban ioh buhai shnong ha kane ka Jylla ba itynnad jong ngi”.
“Haba ngi iohi ba ka Sorkar India ka sngap jar halor ka ILP, ngi la mynjur ia ka amendment jong ka MRSSA, hynrei sngewsih ba la phah sha u President bad ngam lah kynthoh eiei halor kata” ula ong.
“Namar kata, nga ong ba ngi hap ban pyndonkam ia baroh ki rules bad ki ain kiba la don, ngi hap ban pyntreikam bha ia ki khnang ba ngin lah ban khanglad kat kaba lah ia ka jingwan rung ki briew la ki dei na kiwei ki Jylla ka Ri lane nabar ka Ri” pynkut u Myntri.
 ka pyni ba ki don ki jingduna ha ki ain ban tehlakam ia ka jingwan rung kyrthep ki briew ba nabar bad ki mynder ri hapoh ka Jylla.){kind=link}