Shillong, June 16 : Ka Liang Pyrshah jong ka Iing Dorbar Thawain ka Jylla, ka All India Trinamool Congress (AITC) ha ka sngi Palei ka la kynthoh tyngeh ia ka sorkar ba ialam da ka NPP namar ka jingbym lah jong ka ban pynbeit ia ka ishu kaba iadei bad ka jingeh kaba ki nongtrei jong ka Mawmluh Cherra Cement Limited.
Ka sorkar jylla kam shym lah satia ban pynbeit ia ka ishu bym donkam donjam ha ka jylla, ong ka party ha ka kyrwoh.
Ia katei ka jingkynthoh ki nongialam ka TMC ba kynthup ia u District Convenor, I Diengdoh bad Joint Secretary J Sen bad kyrtong ka TMC na Shella P Khiewtam ki la pynpaw ha ka jingkynduh ia ki nongtrei MCCL ha kane ka sngi Palei ha ka por ba ki dang don ha ka jingiakhih ban dawa ia ka hok jong ki.
Kumban shu kdew hangne, ki nongtrei ka MCCL hapoh ka lama jong ka Mawmluh Cherra Cements Employees Union (MCCEU) ki la sdang ia ka jingiakhih ba khlem buh por jong ki ha khmat ka ophis treikam jong ka MCCL ha Shillong kum ka dak ka jingpyrshah ia ka jingsngap jar ki bor pyniaid.
Ki jingdawa ba ki nongtrei katei ka karkhana dewbilat ki buh ka long beit tang ban siew tikna ia ka tulop, nangta k ajingpyntreikam noh ia ka voluntary retirement scheme (VRS) bad ruh ban pyntreikam pura noh ia katei ka karkhana.
