Shillong, Naiwieng 12 : U Chief Executive Member (CEM) ka Khasi Hills Autonomous District Council (KHADC) Bah Winston Tony Lyngdoh ha ka sngi Balang, ula ai ka jubab ba tyngeh ia ki jingkynnoh u President ka Congress Bah Vincent Pala ba kam ba ka Voice of the People Party (VPP) kala pynkha shuh shuh ia ki khyrdop bad pynlong ia ki kum ki “ATM” ka party.
“Nga tahrai phi donkam ban pan jingpynshai na u (Pala). Nga la iohi ia ki jingkren jong u ba kynnoh ba naduh ba ka VPP ka wan ha ka bor ha KHADC, ki khyrdop kila kylla long ki ATM jong ngi” ong u Bah Winston haba iakren bad ki nongthoh khubor.
U CEM uba bat ruh halade ia ka Tnad Trade, ula bynrap “Ngi la lah ban tehlakam ia ka jingmih ki khyrdop kum ki tit. Na ki 23 tylli ki khyrdop, ngi la pyntreikam tang 10-11 tylli. Kumno u (Pala) ong ba ngi la pynkylla ia kine ki khyrdop kum ki ATM jong ngi”.
Ula kyntait ruh ban kynthoh shuh shuh bad kyntu ba dei ban kylli beit beit ia u Bah Pala, uba la pynmih ia kane ka jingkynnoh.
U CEM ula batai ba ha ka por jong ka Executive Committee (EC) barim, kila don haduh 23-24 tylli ki khyrfop hynrei ha kane ka EC ba mynta, la pynduna sha ka 10-11 tylli.
Ula pynpaw ba lehse ka don ka jingbakla bad ki khyrdop ba pyniaid da ka Tnad Forest lane ki Syiem jong ki Hima bapher bapher.
Haba pynpaw ia ka jingkyndit ia ki jingkynthoh u Bah Pala, u Bah Winston ula ong “Ka KHADC ka dang pyrshang ban leh eiei halor kane ka kam. Ban kynnoh ba ka VPP kala pynkylla ia kine ki khyrdop kum ki ATM, ngam lah satia ban pdiang. Ki khyrdop kiba donkam kin dang iai bteng ban treikam hynrei ngin ym pynbun ia ka jingdon ki khyrdop namar ka jinglait ei ka khajna kala jur bha ia ka KHADC”.
 ka Khasi Hills Autonomous District Council (KHADC) Bah Winston Tony Lyngdoh ha ka sngi Balang, ula ai ka jubab ba tyngeh ia ki jingkynnoh u President ka Congress Bah Vincent Pala ba kam ba ka Voice of the People Party (VPP) kala pynkha shuh shuh ia ki khyrdop bad pynlong ia ki kum ki “ATM” ka party.){kind=link}