Shillong, Nailar 02: Ka Meghalaya Public Service Commission (MPSC) kala shim ia ka rai ba kan ym pyni ne pyllait paidbah satia ia ki Mark jong ka MCS Preliminary Examination hadien ka jingpyrshah jong ki kyrtong ne kiba ialeh ia katei ka eksamin.
Ka jingpynbna paidbah kaba la pyllait da u Secretary jong ka MPSC kala ong, “Kumta, yn ym pyni ia ki Mark ha ki jaka paidbah. Hynrei ka Commission kan ailad ban peit tang ïa la ki jong ki Mark lyngba ka rukom treikam ha ka OTP.”
Kane ka rai kala mih shisngi hadien ba ka Khasi Students’ Union (KSU) kala pynlong ïa ka jingïakhih da kaba shong kyllain mungor kaba la kynnoh pyrshah ïa ki jingleh bymhok ha kaba pynlong ïa ka MCS Preliminary Examination, ka MPS personal interview bad ka Appointment ia ki Statistical Officer ha ka AH & Veterinary Department.
Ka Union kala dawa na ka MPSC ba kadei ban pynmih mardor ia ki mark jong baroh kiba ialeh ia ka eksamin MCS.
Ka MPSC kala ong, “Kane ka long na ka bynta ka jingpyntip ia baroh ki kyrtong kiba ialeh ia ka eksamin, ba ka jingtyrwa ban pyllait paidbah ïa ki mark jongka MCS Preliminary Examination, la pyrshah jur da ki kyrtong kiba la pynpaw ia ka jingsngewsih namar ka don ka jingpynkheiñ ïa ka hok jongki ban long kyrpang, kaba dei ka hok ba kongsan kaba la pynkup bor katkum ka Article 21 jong ka riti synshar ka ri India.”
“Ba ka jingpyllait paidbah ïa ki Mark jong ka eksamin, khlem ka jingmynjur ba shai jong ki kyrtong kiba ialeh iaka eksam, kam dei tang kaba ym donkam hynrei ka long ruh ka bym ïahap” kala ong bad ka bynrap “Ka lah ban pynlong ïa ki kyrtong ban shah bishar bniah kaba khlem nongrim bad ka jingshah niewbeiñ kaba lah ban mih, kaba lah pat ban ktah jur ïa ka jinglong shimet ka jongki bad ka jingim ka jongki ha ki kam kiba ki trei. Shuh shuh, ka pynkhein ruh ia ka nongrim jong ka jingburom iwei ia iwei pat.”
 kala shim ia ka rai ba kan ym pyni ne pyllait paidbah satia ia ki Mark jong ka MCS Preliminary Examination hadien ka jingpyrshah jong ki kyrtong ne kiba ialeh ia katei ka eksamin.){kind=link}