Shillong, K’lyngkot 06 : Ka Khasi Hills Autonomous District Council (KHADC) la kynnoh ba kala kyntait ban ai ia ki jingtip jong ki Ophisar kiba donkti halor ka jingslem ban leit thep ia ka pisa ba T.32.94 lak jong ka Council, kaba lam sha ka jingbamklop ba shipor ia ka pisa.
Kat kum ka kaiphod ka Comptroller and Auditor General of India (CAG), ka jingpynmih pisa jong ka Council ba T.32.94 lak bala lum hapdeng u snem 2018-19 la thep hapoh ka Council Treasury hadien ka jingpynslem haduh 198 sngi.
“Ka jingslem ban leit thep ia kane ka pisa ka Council ym tang ka deikaba pynkhein ia ka Fund Rules bad ka jingbat ia ka pisa jong ka council ka lam sha ka jingbam klop ba shipor ia ka pisa jong ka Council” kala ong.
“Ia ki jingtip shaphang ki Ophisar ba donkti, watla la iapan, ym shym la ai satia ban leh audit. Ka Councl ka lah ban shim ia ki sienjam ba iahap ban tynrong ia ka jingkitkhlieh halor ka jingpynslem ban leit thep ia ka pisa ba T. 32.94 lak jong ka Council sha Tresury” bynrap ka kaiphod.
 la kynnoh ba kala kyntait ban ai ia ki jingtip jong ki Ophisar kiba donkti halor ka jingslem ban leit thep ia ka pisa ba T.32.94 lak jong ka Council, kaba lam sha ka jingbamklop ba shipor ia ka pisa.){kind=link}