spot_img

Kyntait ka Delhi ban iarap song pisa ia ka Jylla ba kan pynkhuid pat ia ka Wahumkhrah

Date:

Share post:

Shillong, Risaw 20 : U Myntri ka Tnad Water Resources Bah Comingone Ymbon ha ka Sngi Thohdieng, ula pyntip ba ka Sorkar Pdeng ka khlem ai jingmynjur satia ia ka jingtyrwa jong ka Sorkar Jylla ban iarap song pisa ba kot T. 600 klur ha kaban pynkhuid bad pynim pat ia ka Wahumkhrah kum ka mynnor.

“Sngewsih, ka Sorkar Pdeng kam shym la bei pisa ia ka skhim. Ngi la tyrwa kumba T. 600 klur ban pynim pat ia kane ka Wah” ong u Bah Coming haba iakren bad ki nongthoh khubor.

Hapoh kane ka project, ka Sorkar Jylla kala tyrwa ban shna ia ki check dam bad ka water treatment plant jong kawei pa kawei ka Iing kiba don harud jong ka wah Umkhrah.

Ka Wahumkhrah kaba don hapdeng eh jong ka Sor, ka dei ka mat iatai kaba la jur bha namar ka jingkylla long kum ka nala bah.

Halor ka jingkylli, u Myntri ula ong ba ka song pisa ba T. 600 klur ka dei kaba la heh bha ia ka Jylla kaba rit kum ka Jylla Meghalaya.

“Lada ngim ioh ia ka song pisa, kumno ngin lah ban pynkhuid ia ka wah?. Ka Sorkar Jylla kam don satia ia kat kane ka pisa. Ka long kaba eh ia ngi ban sei na ka Sorkar Jylla ban pynkhuid ia kum kine ki wah” ula ong haba kular ba un dang iai bteng ban buddien bad ka Sorkar Pdeng ban ioh ia ki jingiarap lada u dang iai bteng ban bat kum u Myntri ka Tnad haduh ba kut kane ka san snem.

Share post:

spot_img
spot_img

Popular

More like this
Related

Kynnoh ka KHNAM ba dei ka jingthmu tih Uranium na Meghalaya ba pynmih OM ka MoEFCC

Shillong Nailur 22: U Working President ka Khun Hynniewtrep...

Kem ka ANTF ia 2 ngut ki snar nongkhaii droks na WGH

Shillong, Nailur 22: Ki pulit Anti Narcotic Task Force...

Kyntait u Myntri ban kynthoh halor ka jingkynnoh kyntur pud ka USTM

Shillong, Nailur 22 : U Myntri ka Tnad Pule...

Ka Tnad DIPR ka dei kaba “iohthiah lyngngai” | Lum u Myntri ia ki Ophisar ban pynkhie im

Shillong, Nailur 22 : U Myntri ka Tnad Informmation...