Itanagar, Nohprah 16: U Myntri Rangbah (CM) ka Arunachal Pradesh u Pema Khandu ula kynnoh ia ka jingbym iohi jngai jong u Myntri Rangbahduh (PM) barim u Jawaharlal Nehru halor ka jinglong jingman hapoh khappud ka India bad China.
Haba kren ha ka jingialang ha Mumbai hynnin ka sngi Palei, u CM ka Arunachal u Pema Khandu ula ong ba hadien ka Simla Agreement, baroh kawei ka Arunachal Pradesh kaba kynthup ia ka Tawang la pynhap ha ki jaka puta jong ka India.
“Na ka liang u Sardar Vallabhbhai Patel ula shim ia ka bynta kaba kongsan ha kaba iadei bad ka jingshim rai halor kane.Hynrei namar ka jingpulom jong utei u PM barim ban shim ia ka rai ha ka por kaba biang, kumta ruh ka jinglong jingman kala nang kham sniew shuh shuh,” ong u Khandu.
Nalor kata ula ong ruh ba ia ka histori la shna bad leh thok bad kumta kasne ka sorkar kaba mynta kala trei na ka bynta ban pynbeit pat.Mynta hapoh ka jingialam jong u PM Narendra Modi, ka ri kala ithuh ia ki riewshlur jong ka bad kala shim ia ki sienjam ban ym aili, ong shuh shuh u CM Pema Khandu.
