Shillong, Lber 26: U Vice President ka NEHUSU u samla Easterson Sohtun u shu thok ba u shah shoh haka por lehkmen Holi bad ula shu pharep haka ejahar ba u mudui shaki Pulit.
Ia kane la ong daka Samla Sumarlin Mawlong, Convener jong ka World Organisation of Student and Youths (WOSY) kaba dei ruh ka kynhun ba pynlong iaka lehkmen Holi.
Ka samla Sumarlin kala iathuh ba ka WOSY kala ioh jingbit naka ophis Registrar ka NEHU bad naka liang ka Organization kala khot sngewbha iaki samla pule na bar Ri (International) bad iaki Professor ban wan shaka lehkmen Holi.
Kala kynnoh ba u Vice President ka NEHUSU lem bad ka kynhun, kila wan daka 2 tylli ki bike ha ryngkat bad u tyrnem.
“Kum ki samla ba pule hapoh NEHU ngi dap daka jingsngewsih ba u vice president ka NEHUSU ula kynnoh ba u shah shoh haki para samla pule haka por lehkmen Holi” la ong ka Samla Sumarlin.
Ka Samla Sumarlin kala ong ba kane ka jingkynnoh u vice president ka NEHUSU kala pynjah burom iaka skulbah bad iaki para samla pule.
Haba kylli halor ka jingkam ba u vice president ka NEHUSU ula mynsaw, ka Samla Sumarlin kala ong “Ngi ruh ngi dawa na u ba un pynshai, mano ba ktah kti ia u bad mano ba tar iaka sopti namar naduh ba sdang haduh ba kut ka lehkmen Holi kam don satia ka jingia ktah kti”.
Kala iathuh ba naka liang ka WOSY lem bad ki para samla pule ka NEHU kila ujor kylla daka ejahar pyrshah ia u vice president ka NEHUSU.
 bad iaki Professor ban wan shaka lehkmen Holi.){kind=link}