Nongstoin, Naitung 20 : Ka Khasi Students Union (KSU)-Rimuliang Circle kala kynnoh ba ka Rimuliang C&RD Block ba dang shu plie shen da ka Sorkar Jylla, kala ai jingshakri ne plie ia ka Ophis tang ha ka sngi Iew.
Kane ka jingkynnoh kala mih hadien ka jinghiar jurip ka seng hynne ka sngi Palei kaba long kat kum ki jingujor jong ki paidbah ia ka rukom plie ophis jong kane ka Block kaba long tang shisien ha ka shitaiew.
La ong ba ha kane ka jingjurip, ka seng kala lap ba katei ka Ophis ka plie tang ha ka sngi Palei ba ka dei ka sngi Iew hynrei watla katta la kynnoh ba ki paidbah ki hap ban ap da ki kynta ban wan donkam ha kane ka Block.
Halor kane ka jingshem, ka KSU Rimuliang kala dawa ia ka Sorkar ba kan buh noh ia u Block Development Officer (BDO) ba pura ha kane ka Block lem bad ki nongtrei ki ban wan trei tista naduh ka sngi nyngkong haduh ka sngi thohdieng kata ruh kat kum ka por longtrei khnang ba kan long ka jingmyntoi bad jingiarap ia ki paidbah kiba donkam ia ka jingshakri jong kane ka Ophis.
Lah ban kdew hangne, ia kane ka Block la plie da ka Sorkar Jylla ha ka 22 tarik Naiwieng, 2022.
Pule ruh: Wanrah ka Sorkar ia ka MTAO Rules ban tehlakam ia ki thuk thuk kamai
-Rimuliang Circle kala kynnoh ba ka Rimuliang C&RD Block ba dang shu plie shen da ka Sorkar Jylla, kala ai jingshakri ne plie ia ka Ophis tang ha ka sngi Iew.){kind=link}