Shillong, Naitung 20: Ka Kynhun Myntri hynne ka sngi Palei kala kala ai jingmynjur iaka Meghalaya Taxi Aggregator Operational Rules ban tehlakam ia ki kali ar shaka kiba kamai hapoh ka jylla.
Haba iakren bad ki nongpathai khubor u Myntri Rangbah ka jylla Conrad K Sangma ula ong, “Ia katei ka Aiñ la dep ban mynjur naduh u snem 202 hynrei ia ki Rules ym shim la thaw bad kumta ngi la dep ban thaw mynta ia ki Rules”.
Katkum ka Rules, ka jingshim ia ka bai lisen na ki riewshimet bad na ki kompani kiba pyniaid ia kine ki kali ar shaka kiba kamai kan long T.700 ha ka shi snem na kawei ka thuk thuk bad T.300 ia ka bai Permit kata lada ka jingkamai ka long tang ha kawei ka nongbah ne ka District hynrei lada ka jingkamai ka long ha ka jylla baroh kawei ka Jylla, ka jingsiew kan long T.1300 bad T.200 ka bai Permit.
Ula bynrap, ba ka sorkar kala dep ruh ban pynkhreh iaka dor ban shim na ki nongshong ha kitei ki thuk thuk kamai kata kan longT.10 na ka bynta 1 Km ba nyngkong bad T.5 na ka bynta ki Kilometer kiba bud bad ka jingbat iaki thuk thuk kamai kan shong T.4 ha man la ka 5 minit.
U Myntri Rangbah ula ong ba kitei ki nongkamai kidei ban pynthikna ba kin buh ia ki Apps, GPS, Registration bad kiwei kiwei
“Ka jingpynithuh ia u nongniah kadei ban don bad dei ban bud ryntih ruh ia ki lad jingiada bad jingshngain da man la ki thuk thuk bad ia kitei kiei kiei baroh la dep ban buh ha ka Meghalaya Taxi Aggregator Operational Rules” ong u Conrad.
Ula ong ruh ba ka sorkar kan pynshitom da kaba tyngeh ia kito kiba shim dor palat pud na ki nongshong ia ki thuk thuk ne kali bad ki paidbah kidei ban aid a ka jingujor khnang ba ka sorkar kan ioh ban leh ia kaba donkam.
Pule ruh: Aipor ka WKSU shitaiew ba dkoh treikam u tower Jio ha Sohpian
