Shillong, Jymmang 3: Ka Manipuri Elders’ Consortium Shillong ha ka sngi U Blei, kala kynmaw ia ka jingdap 3 snem jong ka jingsdang jong ka jingiakynad ha Manipur da kaba pynlong ia ka mat iatai halor ka phang “Manipur and Meitei: The Road Ahead” ha Phunga Heritage, Laitumkhrah, hynne ka sngi u Blei.
Ia kane ka prokram la pynlong da ka MECS, kum ka jingdap 3 snem ka jingiakynad naduh ba ki jaidbynriew Meitei kila shah thombor ha la ka jong ka jaka ha Manipur kaba la sdang ha ka 3 tarik u Jymmang 2023.
Ki jaidbynriew Meitei kiba trei ha ki bynta ki bapher bapher kiba shong basah hapoh ka nongbah Shillong kila wan ban iashimbynta bad ban pynpaw ia ki jingsngew bad ia ki jingiohi jngai ki jongki ban iada ia ki jaidbynriew Meitei bad ban wanrah biang ia ka hsongsuk shongsain hapoh ka jylla Manipur.
Ha kane ka prorkam, la pynlong ia ka jingsngap jar kaba shi minit bad la thang ruh ia ki mombati kum ka dak ban kynmaw burom ia kito kiba la duh noh ia la ka jingim naduh ba la mih ka jingiakynad ha ka 3 tarik u Jymmang.
