Nongpoh, Jymmang 03 : Ki Pulit ka Ri-Bhoi District, ha ka sngi U Blei, kila ioh dain kuna haduh T. 2 lak na ki kali bad thuk thuk kiba pynkhein ia ki ain niah kali, ha ka jingtalasi kali ha National Highway ha Nongpoh.
Kat kum ka kyrwoh ki pulit, kane ka jingtalasi ia ki kali bad thuk thuk ha surok Shillong-Guwahati, ka dei kabala pynlong namar ka jingdon ki nongniah thuk thuk kiba pynkylla ia ka surok kum ka jaka pynher thuk thuk, kaba buh jingma ia kiwei pat ki nongleit nongwan.
Lah ban kdew, kane ka jingtalasi ia ki kali pynkhein ain,ka dei kaba la sdang la slem ha Ri-Bhoi, kum ka dak ban ai jinghikai bad jingsneng ia ki nongniah kali ba kin burom ia ki kyndon ain niah kali kata naduh ka jingburom ia ki nongleit nongwan, ban kiar na ka jingdih kyiad haba niah kali, ban pynbiang ia ki kot ki sla kali bad kiwei kiwei.
