Shillong Nohprah 12: Ka Raid Laban Sports, Social and Cultural Oraganisation (RLSSCO) ryngkat bad ka Garo Welfare Society hynne ka sngi Thohdieng kala pynlong ia ka jing kynmaw burom ia ka lyngkhuh sngi iap kaba 153 jongu khla wait ka ri u Pa-Togan Nengminja Sangma.
Ia kane ka jingkynmaw burom la pynlong ha u mot sahnam jong une u khlawait uba don ha Warrior Memorial Garden ha Kench’s Trace (Raid Laban) Shillong bad la sdang ia ka jingialang da kaba ioh ia ka jingbuh jingduwai na u Rev. Pastor P. Marak bad hadien kane la pynbud pat ia ka jingbuh syntiew ha u mot sahnam jong ki khla wait kiba la mih na kane ka jylla.
U MLA ka South Shillong uba long ruh u Myntri Sorkar u Bah Sanbor Shullai uba long ruh u President jongka RLSSCO ula leit buh syntiew bad ula ai jingkren ruh ha kane ka jingialang bad ula ai khublei ia baroh kiba la wan ban iahsimbynta lang ha kane ka jingkynmaw burom ia u khla wait ka ri.
