Kynmaw burom ka Jaidbynriew ia u Tirot Sing Syiem

Date:

Share post:

Shillong, Naitung 17: Ka Jaidbynriew Khasi hynne ka sngi U Blei kala kynmaw burom ia u lyngkhuh sngi iap ba 187 snem jong u Nongiakhun Laitluid ba pawnam ka Jaidbynriew u Tirot Sing Syiem, uba la ieng iakhun pyrshah ia ka Ri Bilat.

Ha Shillong, ki Nongialam jong ki seng ba iakhun pyrshah mynder ba kynthup ia ka Khasi Students’ Union (KSU), Federation of Khasi Jaintia and Garo People (FKJGP), Hynniewtrep Integrated Territorial Organization (HITO) bad kiwei kiwei, kila leit buh syntiew bad sngap jar ba shi minit hakhmat u mot sahnam jong une u khla wait ka Jaidbynriew ba don ha Madan Iewrynghep.

Haba kren ha kane ka jingkynmaw burom, u samla Lambokstar Marngar President ka KSU ula ther tyngeh ia ka Sorkar Jylla halor ka jingbym lah ban pynbor ia ka jingtreikam ka Inner Line Permit hapoh ka Jylla Meghalaya.

“Ka Sorkar Jylla la I kumba ka shu hun tang namar ba kala mynjur ia ka Resolution ban pyntreikam ia ka ILP. Namar kata, ngi kwah ban ong ia baroh ki MLA ba kim dei ban ialehkai bad kane ka kam na ba ka dei ka kamram jong ki ban pynurlong noh ia kane ka jingangnud bala slem bha jong u paidbah ka Jylla” ula ong.

Haba ban jur ba ka jingiakhun kan dang iai bteng ban pynthikna ha kaban ioh ia ka ILP, u samla Lambokstar ula ong “Nga kyntu ba ngin iamih na kane ka jaka bad ban long ka ain ha kaban iada iala ka jong ka khyndew bad iala ka jong ka doh ka snam”.

Haba pynpaw ba ki don shibun bah ki ishu kiba la leit iakren bad ka sorkar naduh u snem 2018, une u Nongialam ka KSU ula ong ba ka long pat kaba sngewsih ba bun na kine ki jingdawa ki shu kut tang ha ki saw kynroh jong ka Secretariat.

“Ngi la dawa ia ka Sorkar ban wanrah da ka ain ban pynthikna ia ka jinglong shai ha ka thungkam thungjam hynrei haduh mynta ym shym la leh eiei ia kane wat hapdeng shibun ki jingkynnoh bamsap kila mih naka kam thungkam thungjam ha ki Tnad bapher bapher ka Sorkar Jylla” ula ong.

Haba pynpaw ia ka jingsngewthuh ba nang jur ki kam tuh kam thiem ha ka Jylla, hynrei u samla Lambokstar ula ong “Ki Nongtuh ki don ha Secretariat bad ha ki Tnad Sorkar bapher bapher bad ki dei kiba kham shyrkhei namar kila pynduh ia ki samla bala nang la stad ban ioh iala ka hok iohkam iohjam lyngba ka rukom thungkam kaba khuid kaba suba”.

“Ta ka daw kala dei ka por ia ka Sorkar ban thaw noh da ka Cell ba kyrpang ka ban khmih ia ki kam bamsap ha ka thungkam thungkam naba ka dei ka kamram jong ka Sorkar ban wanrah ia ki ain ha kaban pynthikna ba kam dei ban don ka bamsap ha ka rukom thungkam” ula ong haba ban jur “Kam dei ka kamram jong ki MLA ban shu shong tang ha Secretariat ne Assembly bad ban khuslai ia kiei ki tender bala khot lane hano ban pynieng khyrdop lum khajna- ka kamram jong ki ka long ban wanrah ia ki ain ki ban iada ia ka bha ka miat bad ka hok jong ki paidbah ka Jylla”.

Une u Nongialam ka KSU ula maham ruh pyrshah ia ki Heh Ophisar ba bamsap bad bthah ia ki ba kim dei ban ialehkai bad ki ishu kiba ktah ia ka Jaidbynriew Khasi.

Ha ka jingkren, u President ka FKJGP Bah Dundee C Khongsit ula ong ba ki Sengbhalang ka Jylla kin ym shah da lei lei ruh ia ka Sorkar ba kan pyntreikam ia ka Citizenship Amendment Act hapoh ka Jylla Meghalaya.

“Ngin ym ailad ruh ia ki poi ei bad ki mynder ba kin nang kharoi kham bun ban ia ki trai ri trai muluk ka Jylla” ula ong.

Shisngi shuwa ka elekshon President ka Ri ban long mynta ka sngi, u bah Dundee ula kyntu ia baroh ki 60 ngut ki MLA bad MP naka Jylla ba kin vote ia u/ka President ba thymmai ka Ri ha ryngkat ka kyndon.

“Ngi kyntu ia ki ban vote bad ka kyndon khnang ban pynthikna ba u/ka President ba thymmai ka Ri kin shimkhia ia ki ishu ba ktah ia ki paid riewlum” ula ong haba bynrap baka jingdawa jong ki paid riewlum hi ka long ban ai ia ki ain ki ban dawa ia ki, kiba long ruh hapoh u pud ka riti synshar ka Ri”.

Ha kajuh ka por, ki Nongialam ka UDP, ki Dkhot ka Kur Syiemlieh bad kiwei kiwei ki Sengbhalang bad Seng Sain Pyrthei kila leit buh syntiew ban kynmaw burom ia une u khla wait ka Jaidbynriew.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...