Shillong, Nailar 13: Ka Khasi Students Union (KSU) Upper Shillong Circle bad KSU Mawprem Circle hynne ka sngi kila khynra iaki kot ki sla jong ki bar Jylla kiba die jingdie kynthup ki lama lai rong ka Ri India, ha shi lynter ka surok hajan Jingkieng Umshyrpi.
Hapdeng ka jingkhynra ki dkhot ka KSU, naka liang ki Pulit ruh kila poi sha kane ka jaka ban pynthikna ba kan nym mih kano kano ka kynrum kynram haka por talasi iaki kot ki sla jong ki bar Jylla.
Ia ki bar Jylla la wan shimti noh daki pulit ka Jhalupara Outpost ban leh iaka ba donkam katkum ki kyndon ain.
Haba poi ha ka tei ka jaka ba ki dkhot ka KSU ki talasi kot ia kitei ki bar jylla pulit ki la shim kyrteng bad pan ia ki kot ki sla bad tang hadien katto minit na ka liang ki pulit ki la thep bad tiar bad tar bad rah noh ia ki baroh 6 ngut sha thanad.
Kine ki bar Jylla ki dei kiba die jingdie ha daka ba shu iaid bad ieng haka surok ter ter ha Jingkieng Umshyrpi, Rilbong, ban die ia ki tiar jingialehkai, ki marbam bad kiwei kiwei de.
Ha kane ka jingkhynra, ka KSU ka la lap ba kitei ki bar jylla kiba don haduh 6 ngut, kim don satia iaki kot kiba biang ban khaii mar ha katei ka thain.
Haba kren sha ki lad pathai khubor u Samla Mankhrawbok Marbañiang ula ong ba ha ka jingkhynra ia ki kot ki sla jong kine ki bar jylla la lap ba kim biang suda. Ula iathuh ba kine ki bar Jylla kidei kiba dang shu wan sah sha kane ka Jylla bad kidei ki wan tang ban bylla.
Ula iathuh ba haka jingtohkit, kine ki bar Jylla kila iathuh ba kidei naka Jylla Jylla Bihar.
Halor kane, ka KSU ka kyntu ia ka Sorkar ban peit pyrman ia ka jingwan rung ki bar jylla sha kane ka Jylla haba kdew ba kan long ka jingma ia ka jylla lada la jur ka jingwan rung kyrthlep ki bar jylla.
 Upper Shillong Circle bad KSU Mawprem Circle hynne ka sngi kila khynra iaki kot ki sla jong ki bar Jylla kiba die jingdie kynthup ki lama lai rong ka Ri India, ha shi lynter ka surok hajan Jingkieng Umshyrpi.){kind=link}