Shillong, Naiwieng 10 : Arngut ki Nongrahbor kila kyllon iap ha Tikrikilla hadien ka jingiather kuli bad ki Pulit ka West Garo Hills ha ka step sngi ba-ar.
When @wghpolice hunt for them in the wee hours of the morning, they opened fire & tried to melt in the darkness but vigilant police killed 2 kidnappers in retaliatory firing & recovered 1 AK 47, 1 9 mm pistol, 32 live rds & 33 empty rds. The 2 persons have now been rescued! pic.twitter.com/nCgouIE1C5
— Conrad Sangma (@SangmaConrad) November 10, 2022
Kane ka kynhun ki runar ka dei kaba wan na shabar ka Jylla bad ka dei kaba pyrshang ban pynthut ia ka jingshongsuk shongsain ha Meghalaya da kaba rahbor ia arngut ki briew.
Kane ka kynhun kala leit buhrieh ia kine ki briew ha kawei ka jaka khlaw ka Dibru Hill Reserve Forest, kaba hap hapoh ka Tikrikilla Police Station.
Ka jingthwet jong ki Pulit kala lam sha kane ka jaka bad kane ka khun kala ther kuli mar syn iohi ia ki briew ka ain. Ka jingiather kuli markylliang kala mih bad ha kane ka jingjia, arngut na kine ki nongrahbor bym lah ban ithuh, kila kyllon iap.
Ia kane ka jingkhynra la ialam da u SP(T) bad kynthup ia u Addl SP(T), SDPO(D), SDPO(R), CI(S), OC Phulbari, bad kiwei kiwei ki Ophisar.
Ki Pulit ka West Garo Hills kila ioh ban pyllait im ia ki briew kiba shah rahbor, kiba kynthup ia uwei u nongniah taxi na Guwahati uba kyrteng u Bikas Chetia bad uwei u khynnah na Lakhimpur Assam.
Ki Pulit ki iathuh ba u Bikas Chetia u dei uba la shah rahbor naduh ka 4 tarik u Naiwieng na Tikrikilla katba utei u khynnah ula shah rahbor ha ka 9 tarik Naiwieng na Lakhimpur.
Ki Pulit kila ioh ban kurup ia kawei ka suloi AK47, kawei ka pistol 9 mm, 32 tylli ki kuli bym pat pyndonkam bad 33 tylli ki kuli bala bthei.
