Nongpoh, Risaw 06: Saw ngut ki briew kila mynsaw kynthup ia arngut kiba la mynsaw jur hadien ba ka kali Mahindra Bolero kaba ki iashong, kala shah tynrah ha kawei ka Maruti Swift hynne ka sngi ha surok National Highway-6 ha Nongpoh.
Kane ka jingjia kala jia ha ka por shiteng sngi bad la ong ba kane ka jingiatakhuh kali kala jia na ka jingniah kali khlem akor jong u nongniah ka ka maruti swift ba don u nombor AS01-FA-3380, kaba dang kiew na Guwahati sha Shillong.
Kat kum ka khubor Pulit, la iathuh ba kane ka swift kala leit tynrah ia ka bolero ka bym pat don number satia haduh ba kane ka bolero kala kylla khongpong bad ha kane ka jingjia, ki briew kiba shong ha kane ka bolero kila mynsaw.
Kine kiba mynsaw ki dei kiba la tip kyrteng da u Dondor Marbaniang, u Bestarson Lakhaid, u Manikstar Marbaniang bad u Rakhel Debnath ia kiba la pynkit marmar sha Nongpoh Civil Hospital na ka bynta ki jingsumar bad la pynkynriah noh ia ki 2 ngut kiba la kham mynsaw jur sha Shillong.
La ioh jingtip ruh, ba u nongniah jong ka kali swift u Rajeev Thapa u la phet krad noh na katei ka jaka hadien katei ka jingjia bad na ka liang ki bor pulit ka Nongpoh Traffic Branch ki dang pynlong ia ka jingtohkit ban iohkem ia une u briew.
