Nongpoh, Nailar 18 : Ka jingkynad kala kyan ha ka shnong khappud Maikhuli hapdeng ki paid Meghalaya bad Assam, kaba la jia hadien ki nongshongshnong ka thain kila pynkhyllem ia u post eketrik bala kynnoh wan pynieng beain da ka Assam State Electricity Board (ASEB).
Kane ka jingjia kala lam sha ka jingiashoh iadat hapdeng ki nongshongshnong ka shnong Maikhuli bad ki nongshong shnong na Assam.
Kat kum ka khubor, ki nongshongshnong ka Maikhuli, Meghalaya kila pynkhyllem ia u post elektrik bala pynieng da ka ASEB hajan ka pung dohkha ka shnong ha ka step sngi Nyngkong.
Hadien ba dep pynkhyllem ia une u pos eletrik, ki nongshongshnong kila leit phai shala iing. Hynrei, hadien katto katne kynta, ka kynhun ki briew na Assam kila wan thwet ia kiba donkti ban pynkhyllem ia u post elektrik, kaba lam sha ka jingiania kaba thnem bha bad khatduh ka por sha ka jingiakhru marmet hapdeng ki arliang mamla.
Ha kane ka jingiakhru, katto katne ki longkmie na Maikhuli la kynnoh ba kila shah ktah kti jubor bad don ruh kiba la shah patan na ka jainphong haduh da jot. Kine ki nong Mawkhuli bad shynrang bad kynthei la kynnoh ba kila shah shoh ha ka kynhun kiba wan na Assam.
Haba ioh jingtip ia kane ka jingjia, ki bor District na Meghalaya bad Assam kila hiar mar mar sha katei ka jaka bad da ka jingtuklar jong ki, kila lah ban tehlakam ia ka jinglong jingman bad pynsaphriang ia ki paidbah kiba la leit phai noh shala ki jong ki jong ki jaka.
Hadien kane ka jingjia, ki bor District na baroh ar jylla kila rai ban thaw ia ka Peace Committee ban wanrah pat ia ka jing iasuk, jingiasain bad ka jingiasngewthuh jingmut hapdeng ki nongshongshnong kiba sah ha Maikhuli bad kiba na Assam.
.){kind=link}