Imphal, Rymphang 16: Ym duna 42 ngut ki briew kila mynsaw naka jingshei ki kuli katba kiwei kila mynsaw na ki kuli jri t bad ka jingshah bom lathi ha ki bor pahara haka jingiakhih hynnin ka miet ha Lamka, kaba hap ha Churachandpur Police SPs office.
Kane ka jingiakhih kadei halor ka jingshah wengkam u Pulit Constable Siamlalpaul ha Lamka (Churachandpur).
Haka jingiakhih, 2 ngut ki briew ba tip kyrteng Letlalkhuol Gangte khun jong Kamkhomang Gangte na Nalon bad Thanggunlen Haokip khun jong u Seilal Haokip na S Canan veng kila iap naka jingshei ki kuli.
Uwei ula khlad hajuh katba uwei ula khlad hadien ba poi sha jaka sumar jong ka District.
Sa 2 ngut kata H Lamginmang 37 snem na Boljol bad Henminlun 35 snem na B. Phaicham kila mynsaw jur namar ka jingshah siat bad mynta ki dang don ha jaka sumar ICU jong ka Lamka (Churachandpur) district hospital.
Kumba long mynta, ka jingiakhih ha sor kala kham long jai jai.
Ki nongiakhih, kila pynpra iaki jingdon jingem ka ophis DC bad SP haka por ba iakhih kaba la sdang naduh 10 mynmiet haduh 12:30 shiteng synnai bad ki nongiakhih ruh kila wieng ding iaka jaka sah DCs haka por 1 baje mynstep.
Kane ka jingiakhih kala jia hadien baka Indigenous Tribal Leaders Forum (ITLF) kala khot ka jingkhangdam.
Ka met ba sah jong ki briew ba iap ka don mynta ha jaka buh metiap bad iaki ba mynsaw la pynkit sha jaka sumar.
Naka liang ki bor pahara kila pynlong ka jingiaid Flag March ha Tedim bad kiwei ki jaka ban tehlakam ia ka sshongsuk shongshngain.
