spot_img

Kwah ka MSVA ban kynthup lang ia ka Volleyball ha ka Meghalaya Games

Date:

Share post:

Shillong, Jylliew 05: Ka Meghalaya State Volleyball Association (MSVA) kum shi bynta ban kyntiew iaka jingialehkai Volleyball hynne ka sngi kala lum ka jingialang bad ka Meghalaya State Olympic Association (MSOA) haka jinglamkhmat da u President ka MSVA bah Sanbor Shullai.

Ha kane ka sngi ka MSVA kala aiti ruh iaka shithi sha ka MSOA haka jingialang bala long ha JN Stadium, Polo Grounds naka bynta ban iakren halor ka jingdonkam ban kynthup lang iaka jingialehkai Volleyball hapoh ka 5th Meghalaya Games ka ban long mynta u snem.

Haka jingialang nalor u president ka MSVA u bah Sanbor Shullai la don lang u bah P T Passah (Working President), u bah K.V Kharlyngdoh (Vice President), u bah Gilbert Laloo (Assistant Secretary bad u president ka MSOA u bah John F. Kharshiing.

Ha kane ka jingialang ka MSVA kala pyntip ba hashuwa kane kala don ruh ka jingiakynduh ia u general secretary ka MSOA u bah Finely L. Pariat ban iakren halor kane ka mat.
U bah John Kharshiing ula iaroh iaka MSVA bad ula pyntip ba ka MSOA ka dang bishar iaki kot ki sla bala phah shaka ophis naka bynta ban ioh ka jingithuh.

Ha kane ka jingialang la wan shim bynta ruh da PB War Nongbri Assistant Director jong ka tnat Department of Sports and Youth Affairs (DSYA) lem bad kiwei ki heh sorkar.

Namar ka jingdawa ban ioh ka jingithuh, ka jingialang kadei ruh halor ka jingdonkam ban kyntiew iaka jingialehkai Volleyball ha man ki district jong ka jylla.

Naka liang u Working President ka MSOA ula pynshlur iaka MSVA ban iaid shakhmat haba iadei bad ka jingpynkhreh ban ioh noh iaka jingithuh daka ba pynbiang iaki kot ki sla jingdonkam namar iaka jingialehkai Volleyball la ioh ruh ka jingithuh hapoh ka National Games, Commonwealth Games, Asian Games bad ha Olympics.

Share post:

spot_img
spot_img

Popular

More like this
Related

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...