Tura, Naiwieng 12: Ka jingrakhe iaka Hundred Drums Wangala Festival kala kut noh hynne ka sngi ha ka jingiphuh iphieng ha kaba ki paidbah na kylleng ki jaka kila wan ban sakhi ia kane shad tynrai jong ki riewlum Garo.
Haba kren haka jingialang kum u Kongsan, u Myntri Rangbah ka jylla u Conrad K Sangma, ula iaroh bad pynpaw iaka jingsngewnguh iaki dkhot jongka Wangala Committee iaka jingshimkhia bad ka jingtrei borbah ha kaban pynneh pynsah iaka kolshor bad iaka riti dustur tynrai jong ki Garo lyngba katei ka jingshad tynrai kaba ki ju pynlong man la u snem.
At the closing ceremony of the Wangala Dance which celebrates the culture & identity of the Garo tribe of Meghalaya
In this dynamic generation, we must work towards the preservation of our tribal heritage & uphold the sanctity of our tribal roots@narendramodi @kishanreddybjp pic.twitter.com/V7oaC2A7w9
— Conrad Sangma (@SangmaConrad) November 12, 2022
U Conrad ula kren shaphang ka jingkordor ha kaban pynlong ia ki tamasa tynrai bad ula ong ruh ba ki tamasa kidei kiba pynithuh iaka jinglong tynrai jong ki riewlum bad ka long kaba kongsan bha ban pynneh pynsah bad ban iada iaka riti dustur tynrai.
“Kadei ka jingrakhe ia kaei kaba ngi long, kadei ka jingrakhe ban pyni sha ka pyrthei ba ngi dei kiei” ong u Conrad.
Haba kren shaphang ka jingkongsan ka ktien ka thylliej, u Myntri Rangbah ula ong, ka Resolution ban pynrung iaka Garo bad Khasi ha ka 8th Schedule kadei kaba la shimkhia da ka sorkar bad ka sorkar kala pyniaid shakhmat ruh ia ki kam ki jam ban ai khusnam Literary Award sha ki nongthoh kot haka ktien Khasi bad Garo ban kyntiew ia ki nongthoh kot.
We are also working to ensure there is a cross culture appreciation & learning among our Khasi, Garo & Jaiñtia tribes. Shared experiences and learning of each other’s language & culture will further strengthen harmony & add to the grandeur of all our festivals. pic.twitter.com/KLbtV234Pb
— Conrad Sangma (@SangmaConrad) November 12, 2022
Ula ong, ka sorkar jylla kala kyrshan ruh ia ki nongthaiñ jingthaiñ ha kaba kala plie ia ki rynsan bad ai jingiarap da ka pisa ba kin kyntiew bad ban pyniaid ïa ki mar ki mata jongki bad ka sorkar ka don iaka jingthmu ban dang ai jingkyrshan shuh shuh ia ki nongthaiñ jingthaiñ kiba don ha ka jylla.
U Myntri Rangbah ula pynpaw ia ka jingkmen ban iohi ia ka jingkiew shaprnag jong ki jaidbynriew Garo kiba don ha kiwei pat ki jylla bad ha kiwei pat ki ri bad ula kyntu iaki nongpyniaid jong ka Wangala Festival ban pyndon byntalem iaki Garo kiba sah ha kiwei ki jylla bad ki ri ban ioh iashimbynta lang ha katei ka tamasa ha ki snem ban wan.
U Myntri Rangbah ula pynbna ba la mang T.2 Klur lyngba ka Meghalayan Age Ltd ia kaba yn pyntreikam daka tnad Jngohkai jong ka jylla ha kaban pynbha bad ban shna ia ki jingdonkam bad ban kyntiew iaka Garo Heritage Village, kaba dei ka jaka kaba pynlong iaka Wangala Festival.
Ula ong, ba dei ban pynlong ia kane ka tamasa kaba heh bad kaba kham itynnad shuh shuh ha ki snem ban wan.
Katba u Symbud Lamphang ka iingdorbar thawaiñ ka jylla Assam u Dr. Numal Momin kum u Kongsan Symud ula pynpaw iaka jingsngewnguh iaki nongpyniaid ha kaba ula ioh iaka lad ban sakhi ia kane ka tamasa bad ula ai khublei ia baroh.
Katba u Myntri ka tnad PHE u Bah Renikton Tongkhar ula ong ba u dao da ka jingsngew sarong ban iohi ba ki jaidbynriew Garo kiba don ha kiwei ki jylla bad shabar ri kila nang kiew shaphrang.
Katba u Chairman jongka Wangala Committee, u Ronald Rikman Sangma, ula batai shaphang katei ka tamasa bad iaka jingdonkam ban pynneh pynsah iaka riti dustur tynrai jong ki Garo.
Ia ka Wangala Anthem, “Dimdim Dimchong Dachichong” kaba dei ka jingrwai tynrai kaba la rim bha kaba la thaw da u (L) Millickson K Sangma kadei kabala rwai man la ka sngi ha katei ka tamasa.
Lah ban kdew, ba ka 100 Drums Wangala kadei ka tamasa hadien ba la dep ka rep ka riang jong ki Garo ha kaba ki ainguh bad ialehkmen leh sngewbha da ka rwai ka shad.
Ki nongjngohkai na kylleng kiba kynthup na ka ri France, kiba na ka jylla Gujarat, Bangalore, Kerala, Assam, Sikkim bad ki nongpathai khubor na kylleng ki jylla ki wan ban sakhi ia ka Wangala Festival ban pynriewpsah iala ka jingnang jingtip ha kaba iadei bad kane ka tamasa tynrai ki Garo, ia kaba ia kalehniam lehrukom kaba la tip kum ka Rugala lapyniaid da u Nokma ne u Khlieh nongsynshar jong ka shnong.
Ki 10 tylli ki kynhun shad kiba la iashimbynta ha ka jingiakob ki kynthup iaka
Dura Kangkangre, Gondenggre, Chibragre, Chidaogre, Sadolbra, Dalbanggre kiba na West Garo Hills, Wanokdamgre na North Garo Hills, Rapdikgre na East Garo Hills, Chepagre bad Bangkapara na South West Garo Hills District.
Ka Sadolbra kadei ka kynhun kaba la jop ia katei ka jingiakob mynta u snem bad la bud pat da ka kynhun Gondenggre bad Chidaogre.
U Myntri Rangbah ula aiti iaka kot ban ioh pdiang iaka T.2 Klur bad ula aiti ruh iaka pisa T.10 lak na ka T.25 Lak ha u Chairman jongka Wangala Committee ha kaba la iadonlang u Symbud Lamphang ka iingdorbar thawain ka jylla u Timothy D Shira, ki MLA ka jylla kiba kynthup ia u Thomas A Sangma bad u Pongseng Marak, u Deputy Commissioner ka West Garo Hills u Swapnil Tembe, ki nongialam bad ki dkhot jong ka Wangala Committee bad kiwei kiwie ki heh ki haiñ kiba la wan ban sakhi ia katei ka tamasa.
