Tura, Nohprah 10 : Ki Pulit ka kynhun Anti Narcotics Task Force (ANTF) ka South Garo Hills, kila ioh ban kurup ia bun bah u drok heroin hynnin ka miet sngi thohdieng, uba shongdor haduh T.1.5 lak.
Ki Pulit ANTF kila pynlong ia ka jingkhynra halor ka jingioh khubor ia ka jingdon ki briew ba wan pynpoi droks ha ka thain bad kila pynapshrip ha surok Ampati ha kaba kila ioh ban kem ia u nongkhaii.
Ka kyrwoh na ki Pulit ka iathuh ba ki Pulit ANTF kila ioh bat ia kawei ka thuk thuk AS-34-3138 kaba niah da uwei u briew ba kyrteng u Shakil Miah bad ha ka jingtalasi ia ka met jong u, kila ioh kurup ia u kynja powder rong stem ba thep ha ki 6 tylli ki synduk sabon.
Ki Pulit ANTF kila leh ia ka test bad shem ba u dei u heroin bad haba la pynshongdor la lap ba ka dor jong u ka kot haduh T. 1.5 lak ha iew ha hat.
Ki Pulit kila register case ia une u briew hapoh ka kyndon jong ka NDPS Act bad ka jingtohkit mynta kala iaid shakhmat.
