Shillong, Nailur 21: Ki Pulit ka East Khasi Hills, kila ioh ban kurup ia u droks ba shongdor haduh T. 2 klur hynnin ka miet sngi Balang ha Shillong.
Kane ka jingioh kurup kala wan jia da ka jingpyntip jong uwei u Nongniah Tata Sumo sha ki Pulit halor ka jingdon kawei ka pla ba ishankhmat bha ha ka kali jong u.
Haba kynthoh shaphang kane ha ka X, u Myntri Rangbah ka Jylla Conrad K Sangma ula ong “Ka jingjop kaba khraw lyngba ka jingiatreilang ki Pulit bad ki paidbah! Ha Shillong, la ioh ban kurup ia u droks ba shongdor T. 2 klur hynnin ka miet. Kaei kaba pynlong ia kane ka jingjop ba kan pher na kiwei ka long ka bynta bala leh da uwei u Nongniah Sumo uba la pyntip mar mar sha ki Pulit halor kawei ka pla ba ishankhmat. Nga ai khublei shih ajar ngut ia une u Nongniah Sumo halor ka jingkloi ban pyrkhat bad ka jingshlur. Un sa ioh ia ka khusnam halor ka jinglong hok”.
A Major success Through Police-Public cooperation!
In Shillong, a major drug bust worth over ₹2 crore took place yesterday night. What makes this success unique is the pivotal role played by an alert Sumo driver who promptly informed the Police about a suspicious bag.Many… pic.twitter.com/V3VX9wkkGB— Conrad K Sangma (@SangmaConrad) September 21, 2023
“U LR Bishnoi bad ka kynhun jong u, kila treikam khlem shongthait ban iakhun pyrshah ia ka jingkhaii droks. Kum kane ka jingiatreilang ka dei ka nuksa halor ka jingdonkam ka jingiatreilang ki paidbah ban lah pynurlong ia ka jingangnud jong ka #DrugFreeMeghalaya,” ula bynrap.
Lah ban kdew ba ki Pulit ka Meghalaya kila iatreikam khlem shongthait ban pynlong ia ka Jylla Meghalaya kaba lait na u droks.
