Jowai, Naitung 19 : Ki Pulit ka Jowai Police Station ha ka sngi ba-ar, kila kurup ia kawei ka JCB bad ka Trok katba ki dang tih maw be-ain na Wah Myntdu ha ka thain Treiongriang, Jowai wat hapdeng ka jingkhang pyrshah jong ka National Green Tribunal (NGT).
Kane ka jingkurup kala wan jia hadien ba u President ka Khooid Ya Ka Wah Myntdu Bah KL Pariat ha ryngkat u President ka Jaintia Students Union (JSM) samla Jordan Rumbai kila hiar ban leit tohkit ia kane ka jingtih maw be-ain ha ka jingiadon lang ki Heh Pulit ka Jowai Police Station.
Ha kane ka jingleit jurip, la shem ia kawei ka dumper kaba la kit tuh ia ki maw ha ka por mynmiet.
Uwei na ki nongniah trok ula phla ba ia kane ka kam la leh da ka jingbthah jong uwei u briew ba kyrteng u F Hinge, ia uba la kynnoh ba ula phah leit pynhap ia kine ki marha Lad Mustem.
Halor kine ki jingshem, kine ki artylli ki Seng kila ujor da ka ejahar ha Jowai Police Station pyrshah ia kane ka kam beain.
Ki Pulit kila register case ia kane ka jingjia bad ka jingtohkit mynta kala iaid shakhmat.
Pule lang ia kane: Hukum ka Iingkashari ban set phatok 10 snem ia ki nongleh beijot
