Shillong, Naitung 19 : U Myntri Rangbah ka Jylla Conrad K Sangma, un sa pyllaid paidbah ia ki Trophy jong ka 132 edition ka Durand Cup, 2023 ha ka sngi Thohdieng ban wan, ka ban sakhi ruh ia ka jingiashimbynta ha ka sien ba nyngkong eh jong ka Club ba pawnam ka Jylla-ka Shillong Lajong FC.
Ia kane ka lympung ialehkai la ioh ban pynlong (host) da ka Tnad Sports & Youth Affairs ka Jylla ha ryngkat ka jingiatrei lang bad ka Eastern Command jong ka Indian Armed Force.
Kane ka lympung ialehkai kan sdang naduh ka 3 tarik Nailar haduh ka 3 tarik u Nailur ka ban long shibnai kynthih. Ia kane ka lympung yn plie da u Myntri Rangbah ha ka jingialang ban long ha State Convention Centre, Shullong.
La pyntip ruh ba hadien kane, kan sa don pat ka jingpyni paidbah ia ki lai tylli ki Trophy jong kane ka lympung ialehkai ha Khyndailad, ka ban sdang naduh ka por 3:30 baje janmiet.
Kat kum ka jingpyntip u PRO Defence Sreeprakash J, Wing Commander, la pyntip ba ka Shillong Lajong FC ha ka sien ba nyngkong eh kan iashimbynta bad ki rang ialehkai kane ka Club kin iakynduh ruh ia ki paidbah ban khring ia ka jingkyrshan.
U pyntip ba kane kan dei ruh ka sien ba nyngkong ba ia ki trophy jong ka Durand Cup yn pyniaid lynti ha kylleng ki Nongbah. Kane kala sdang naduh ka 30 tarik Jylliew bad kine ki trophy kin rung ha ki 15 tylli ki Nongbah kynthup ha Kathmandu bad Dhaka shuwa ba kan poi sha Kolkata.
 da ka Tnad Sports & Youth Affairs ka Jylla ha ryngkat ka jingiatrei lang bad ka Eastern Command jong ka Indian Armed Force.){kind=link}